प्युठानको बड्डाडा हुँदै चकचके जोड्ने गर्जेनी सडक फराकिलो बनाउने कार्य तिव्र गतिमा भईरहेको छ । आंसु लेकाली जेभी निमार्ण कम्पनीले जिम्मा लिएर पुस २८ गतेदेखी निमार्ण कार्य सुरु गरेको हो । डरलाग्दो चट्टान भिरलाई फोडेर सडक ८ मिटर चौडाको बनाइदै छ ।
सडक साघुँरो हुँदा सवारीसाधन आवतजावतमा समस्या भएको भन्दै सडक फराकिलो बनाउन थालिएको सडक डिभिजन कार्यालय प्यूठानले जनाएको छ । डिभिजन कार्यालयका अनुसार गएको पुस २८ गतेबाट प्रत्येक दिन बिहान ११ बजेदेखि साँझ ५ बजेसम्म पूर्णरुपमा बाटो बन्द गरेर सडक बिस्तारको काम भइरहेको छ ।