News Portal

रेडियो सुन्नुहोस्

तालिममा सिकेको सीपलाई अर्थपूर्ण बनाउन आवश्यक छ ः नगरप्रमुख योगी

बिबश घर्ति मगर०६ माघ २०७९
२२२ पटक
०६ माघ २०७९

प्युठान नगरपालिकाका प्रमुख विष्णु बहादुर योगीले तालिमलाइ तालिममा मात्र सिमित नबनाई व्यवहारमा उतार्न आवश्यक रहेको बताए । प्युठान नगरपालिकाले आयोजना गरेको तीन दिने बाख्रापालन कृषक तालिमको समापन कार्यक्रममा उनले यस्तो कुरा बताएका हुन् । साथै उनले कृषकहरुलाई पुर्णरुपमा ब्यवसायिक तथा कृषिमा आत्मनिर्भर बन्ने उदेश्यका साथ ब्यवसाय गर्न आग्रह गरे । उनले नगरपालिकाले आगामी दिनमा पनि त्यस्ता खालका कार्यक्रमहरु संचालन गर्ने सहभागिहरु समक्ष प्रतिवद्धता व्यक्त गर्नुभएको छ ।

तालिमको प्रशिक्षकको रुपमा रहेका प्यूठान नगरपालिका पशु सेवा शाखा प्रमुख गिरिराज पौडेलले कृषकहरुले व्यवसायिक रुपमा बाख्रा पालेकाहरुलाई नगरपालिकाले अनुदानका कार्यक्रमहरु उपलब्ध गराउने बताए । व्यवसायिक तरिकाले बाख्रा पालन गर्न सक्ने र इच्छुक कृषकहरुको आवश्यकता र मागअनुसार कार्यक्रम संचालन गर्ने बताएका छन् । पशु सेवा शाखा प्रमुख पौडेल सहित पशु चिकित्सक शर्मिला शर्मा, माधवा रिजाल लगायतका टोलिले कार्यक्रममा प्रशिक्षक दिएका थिए ।


प्यूठान नगरपालिकाका आर्थिक विकास समिति संयोजक, तथा नगर प्रवक्ता समेत रहेका ३ नं वडा अध्यक्ष सुमनराज श्रेष्ठले कार्यक्रममा मन्तव्य राख्दै तालिमको बारे जानकारी गराएका हुन् । उनले सहभागिहरुलाई आफुले सिकेका सिपको सही सदुपयोग गर्न आग्रह गरेका छन् । साथै उनले सीपलाई व्यवसायिमा परिणत गर्नुपर्ने भन्दै त्यसबाट आर्थिक लाभ लिइ मासुमा आत्मनिर्भर हुन पनि आग्रह गरे ।

नगरपालिका भित्र रहेका १० वटै वडाबाट प्रतिनिधित्व गर्ने गरि २५ जना कृषकहरुको तालिममा सहभागि रहेको थियो । कृषकको लागि यो कार्यक्रम निकै प्रभावककारी रहेको भन्दै सहभागिहरुले खुसी व्यक्त गरेका थिए । साथै उनिहरुले किसानहरुको प्रोत्साहनको लागि अनुदान आवश्यक भएको भन्दै कृषकहरुका लागि सर्वसुलभ ऋण सहज रुपमा व्यवस्था गर्न अनुरोध समेत गरेका छन् । माघ ४ गतेदेखी सुरु भएको बाख्रापालन कृषक तालिम शुक्रबार सम्पन्न भएको हो ।

प्रतिकृया दिनुहोस्

“गणतन्त्र गौरव” बाट पूर्व राष्ट्रपति भण्डारी सम्मानित

नेकपा (एमाले) ले पूर्वराष्ट्रपति विद्यादेवी भण्डारीलाई ‘गणतन्त्र गौरव’बाट सम्मान गरेको छ। नेपाल कम्युनिस्ट पार्टी स्थापनाको...

आगलागी सम्बन्धी कृतिम अभ्यास कार्यक्रम बिजयनगरमा सम्पन्न

“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको...

आजदेखि नयाँ शैक्षिक सत्रको भर्ना अभियान सुरु

नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको...

२०८२ मा उज्यालो प्यूठान घोषणा हुने

२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ...

मल्लरानीमा दोस्रो (फूडफेस्टिवल) खाना महोत्सव सुरु

मल्लरानीमा आजदेखि खाना महोत्सव सुरु भएको छ । नयाँ बर्षमा मल्लरानी जाऔं, प्राकृतिक रमणीय दृश्यवलोकनका...