०७ माघ २०७९नेपाल रेडक्रस सोसाइटी जिल्ला शाखा सभापति गुमानराज पुलामीले विजुवार उपशाखाले छोटो समयमै प्रगती गरेको भन्दै खुसी व्यक्त गरे । शनिबार नेपाल रेडक्रस सोसाइटी विजुवार उपशाखाको १८ औँ बार्षिक साधारण सभालाई सम्बोधन गर्दे यो उपशाखाले थोरै समयमा राम्रो काम गरेको भन्दै आगामी दिनमा पनि यो शाखाले अझै थप प्रगती गर्ने पनि विश्वास लिएको बताए । उनले यहि माघ महिना भित्र जिल्ला शाखाको अधिवेशन हुने समेत जानकारी दिए ।
नगरप्रवक्ता सुमनराज श्रेष्ठले आगामी दिनहरुमा प्यूठान नगरपालिकै स्तरीय उपशाखा बनाउने बताउदै उपशाखाको लागि जुनसुकै प्रकारको सहयोग गर्न तयार रहेको प्रतिवद्धता व्यक्त गरे ।
त्यस्तै विजुवार उपशाखा सभापति लोकमणी भण्डारीले निर्माणाधिन तीन तले अधुरो भवनको लागि पटकपटक गरि २० लाख रुपैया विनियोजन गरिदिएकोमा प्रदेश अर्थमन्त्री कृष्णध्वज खड्का लगायत वडा नं ४ कार्यालयलाई धन्यवाद समेत व्यक्त गरे । साथै उनले निर्माणाधिन भवनको कार्य ९० प्रतिशत सकिएको र त्यो चाँडै नै उद्घाटनको तयारीमा रहेको पनि जानकारी दिए ।
त्यस्तै उपशाखा उपसभापति राधादेवी के.सी ले उपस्थित सबैलाई स्वागत मन्तव्य सहित गरिमामय उपस्थितको लागि कृतज्ञता ज्ञापन गर्दै स्वागत गरेका थिए । कार्यक्रममा पुराना आजिवन सदस्य तथा जेष्ठ नागरिक जगन्नाथ रिजाल, सुलोचना सुवेदी, बिज्ञान बहादुर कर्माचार्य, डा.आनन्द कुमार श्रेष्ठलाई सम्मान गर्दे जिल्ला शाखा सभापति गुमानराज पुलामी, प्यूठान नगरपालिका नगरप्रवक्ता सुमनराज श्रेष्ठ तथा क्षेत्रविकास मा.वि लाई मायाको चिनो दिइएको थियो ।
साथै कार्यक्रममा सचिव तथा कोषाध्यक्षको प्रतिवेदन संसोधन सहित पारित गर्दै आगामी आर्थिक बर्षको लागि निति तथा कार्यक्रम समेत प्रस्तुत गरिएको थियो ।
त्यस्तै शनिबार नै ऐरावती गाउँपालिकामा रहेको नेपाल रेडक्रस सोसाइटी ऐरावती उपशाखाको पनि दोस्रो साधारण सभा तथा दोस्रो अधिवेशन सम्पन्न भएको छ । निवर्तमान सभापति रित बहादुर रानाको अध्यक्षतामा सुरु भएको कार्यक्रमको प्रमुख अथिति ऐरावती गाउँपालिका उपाध्यक्ष कृष्ण प्रसाद श्रेष्ठ रहेका थिए । कार्यक्रममा बोल्दै प्रमुख अथिति तथा ऐरावति गाउँपालिका उपाध्यक्ष श्रेष्ठले यो शाखा सम्बन्धित निकायसँग समन्वय गरेर जानुपर्ने आवश्यकता रहेको बताए । साथै उनले राम्रो र व्यवस्थित तरिकाले शाखामा लाग्न पनि अनुरोध गरे । हाल नयाँ सभापतिको रुपमा रहेका चन्द्रप्रसाद श्रेष्ठको नेतृत्वमा ११ जना नयाँ कार्यसमिति चयन गरिएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
