बतासेडाडा, सेपुङ हुँदै ओखरबोट मोटरबाटो स्तरउन्नतिको कार्य सुरु भएको छ । लुम्बिनी प्रदेश सरकार अर्थ तथा सहकारी मन्त्रालयद्रारा बिनियोजित रकम १८ लाखमा सडकलाई थप ब्यबस्थित र फराकिलो गराउदै जनतालाइ सहज यात्राको डेलिभरी गराउन मोटरबाटो स्तरउन्नती गर्न लागिएको ३ नं वडा अध्यक्ष सुमनराज श्रेष्ठले जानकारी दिऐ । त्यस सडकमा करिब ३ महिना पहिले देखि बस संचालनमा आएको थियो । सोही अवसरमा नियमीत सार्बजनिक बस सेवालाई सडकको स्तरउन्नतिबाट अब थप सहज र प्रभाबकारी पुग्ने बताइएको छ । गत भदौ असोजमा यो बजेट आएपनि बर्षाको समय भन्दै अहिले यो काम सुरु गरिएको अध्यक्ष श्रेष्ठले बताए । बर्षाको समयमा हिलाम्य र काम गर्न असजिलो हुने भएको कारण हिउँदको समयमा सारिएको उनको भनाई छ । बतासेडाडा, सेपुङ हुँदै ओखरबोट मोटरबाटोको लम्बाई १४ किलोमिटर भए पनि हाल १० किलोमिटर मा स्तरउन्नती भइरहेको छ । सो काम यो आर्थिक बर्षको मसान्तासम्ममा पुरा गर्नुपर्ने भए पनि उपभोक्ता समिति मार्फत भएका कारण बैशाख सम्ममा काम सक्न उपभोक्तालाई आग्रह गरिएको अध्यक्ष श्रेष्ठले बताए ।