प्यूठानमा पछिल्लो समय चोरको आतंक मौलाउदै गएको छ । सोमबार आज प्यूठानको झिमरुक गाउँपालिका ५ ढाँडामा पदम बहादुर खड्काको घरमा चोरी भएको हो । उनको घरबाट नगद सहित सुन लगायतका समानहरु चोरी भएको बताएका छन् । पदम बहादुर खड्काकी बुहारी संगिता जि.सि लाई कोठामा बसिरहेको अवस्थामा बेहोस हुने औषधी प्रयोग गरि घरमा चोरले चोरी गरेको थियो । संगिता बेहोस भएपछि जिल्ला अस्पताल बिजुवारमा उपचारको लागि लगिएको छ । यो भन्दा पहिला जिल्लाको स्वर्गद्धारी नगरापलिका, गौमुखी गाउँपालिका, नौबहिनी गाउँपालिका, झिमरुक गाउँपालिकामा चोरी भएको थियो । जिल्ला प्रहरी कार्यालय प्यूठानले चोरको खोजिनिधी गरिरहेको तर अझैसम्म पनि पत्ता नलागेको बताउँदै आएको छ ।