विना विलका गरगहना खरिद नर्गन जिल्लामा रहेका सुनचाँदी पसलहरुलाई आग्रह गरिएको छ । नेपाल सुनचाँदी व्यवसायी संघ प्यूठानले मंगलबार विज्ञप्ती जारी गर्दै केही समय अघिदेखी जिल्लाका विभिन्न स्थानमा शृखंलावद्ध रुपमा गरगहना, सामानहरु चोरी भइरहेको भन्दै विना विलका गरगहना खरिद नर्गन आग्रह गरेको हो ।
साथै विज्ञप्तीमा सुनचाँदी व्यवसायीहरुलाई पसल तथा गरगहनाको सुरक्षामा गम्भिर रहन र विना विलका गरगहना वेच्न कोही आएमा तत्काल प्रहरीलाई खबर गर्न समेत अनुरोध गरिएको छ ।
चोरी गर्ने व्यक्तिहरुको खोजी गरी तत्काल पक्राउ गर्न सम्बन्धित पक्ष समक्ष संघले माग गरेको छ ।