नौबहिनी गाउँपालिका स्थित इलाका प्रहरी कार्यालय वहानेको आयोजनामा सुरक्षा चुनौती सम्बन्धि एक दिने अन्तरक्रिया कार्यक्रम बुधबार भएको हो। जिल्लाको विभिन्न स्थानमा भइरहेका चोरीका घटनाहरुको स्थितिलाई हेर्दै ती चोरी गर्ने व्यक्तिहरु तपाई हाम्रो गाउँ ठाउँसम्म पनि आउन सक्ने भन्दै त्यसलाई कसरी तत्कालको लागि रोकथाम तथा न्यूनिकरण गर्न सकिन्छ, भन्ने बिषयमा अन्तरक्रिया भएको थियो । चोरीका घटनाले गर्दा स्थानीय जनता आतंकित भएको महसुस गर्दै सो कार्र्यक्रम गरिएको इलाका प्रहरी कार्यालय वहानेका कार्यालय प्रमुख भानुभक्त अर्यालले जानकारी दिए । कार्यक्रममा होटेल व्यवसायि संघले अवदेखी राती ९ बजे पछि होटेल तथा पसलहरु नखुल्ने बताएका छन् ।

अन्तरक्रिया तथा अभिमुखीकरण कार्यक्रमले गाउँ भन्दा बाहिरबाट व्यापारीको भेषमा आउने व्यक्तिहरुलाई विशेष निगरानी गर्ने छलफल भएको हो । उपस्थित स्थानीयले हामी आफैमा सर्तकता हुन आवश्यक रहेको भन्दै यो कार्यलाई कार्यन्वयन गर्न सबैको दायित्व भित्र परेको बताउदै होटेल तथा पसाल समयमा खुल्ला गर्ने र बन्द गर्ने निर्णय गरेका हुन् । साथै उनिहरुले यो समयमा अनिवार्य रुपमा गोष्ठी बढाउन आवश्यक रहेको र त्यसमा सकेको सहयोग स्थानीबाट हुने समेत बताएका छन् । कार्यक्रममा होटेल व्यवसायि संघ, उद्योग बाणिज्य संघ, गाउँपालिकाका जनप्रतिनिधी, व्यापारी, शिक्षक लगायतको उपस्थितिमा कार्यक्रम सञ्चालन गरिएको कार्यालय प्रमुख अर्यालले जानकारी दिए ।