बहुक्षेत्रीय पोषण योजना पालिका स्तरीय पोषण तथा खाद्य सुरक्षा निर्देशक समितिको बैठक नौबहिनी गाउँपालिकामा सम्पन्न भएको छ । सो कार्यक्रममा बोल्दै लुम्बिनी प्रदेश बहुक्षेत्रीय पोषण निर्देशक भुमी शर्माले स्वास्थ्य सम्बन्धि विशेष भुमिका स्थानीय तहको वडा अध्यक्षहरुको हातमा रहेको बताए । उनले गर्भवती महिला, सुत्केरी महिला तथा बृद्धबृद्धाहरुले पोषणमा ख्याल नदिदा अकस्मात ज्यान जाने गरेको भन्दै त्यसलाई थप न्यूनिकरण गर्न वडाको बढि भुमिका रहने बताएका हुन् ।

साथै यस्तो अवस्थामा बढि भन्दा बढि पोषणयूक्त खोनकुरा खान पनि उनले आग्रह गरे । गाउँपालिका अध्यक्ष दिल बहादुर थापाको अध्यक्षतामा सुरुभएको कार्यक्रममा उपाध्यक्ष बिस्ना थापा, प्रमुख प्रशासकीय अधिकृत शिव राज पौडेल, वाड अध्यक्षहरु, विषयगत शाखाका प्रमुखहरुको सहभागिता र बहुक्षेत्रीय पोषण योजनाका लुम्बिनी प्रदेशको निर्देशक भुमी शर्माको सहजीकरणमा सम्पन्न भएको थियो ।