प्यूठानमा सहिद दिवसको अवसरमा कविता वाचन एवम् रक्तदान कार्यक्रम भएको छ । सोमबार ६७ औ सहिद दिवसको अवसर पारेर प्यूठान नगरपािलका ४ गाजुरी स्थित शहिद स्मृतीपार्कमा जनप्रतिनिधी, बुद्धिजिवी, पत्रकार, स्थानीय लगाएतको उपस्थितीमा कविता वाचन एवम् रक्तदान कार्यक्रम सम्पन्न भएको हो ।
समृद्धिका लागि परिवर्तन, परिवर्तनका लागि शुरुवात, शुरुवातका लागि म भन्ने मुल नाराका साथ दिवसका अवसरमा ५ जनाले रक्तदान गरेका छन् । त्यस्तै कार्यक्रममा ७ जनाले कविता वाचन गरेका थिए । सहभागीहरुले सहिदका सम्झनामा सर्मपित रहेर फरक फरक शिर्षकमा कविता वाचन गरेका थिए । अवका दिन देखी हरेक वर्ष सहिद दिवसका अवसरमा यस्ता खालका विभिन्न कार्यक्रमहरु गर्ने नागरिक सरोकार, समाज प्युठानका अध्यक्ष सुमन सुवेदीले जानकारी दिनुभयो ।
नागरिक अभियान प्यूठानको आयोजना तथा नागरिक सरोकार, समाज प्युठान, स्वयंसेवी रक्तदाता समाज प्युठान साखा,, शाहित्य परिषद् प्युठान, प्युठान उद्योग बाणिज्य संघ,,पत्रकार महासंघ जिल्ला शाखा प्युठान ,,नेपाल रेडक्रस सोसाइटी जिल्ला शाखा प्युठान,, जिल्ला बचत तथा ऋण सहकारी संघ प्युठान,, भित्रिकोट सामुदायिक सिकाइ केन्द्र टारी प्युठान,, दाह्री ग्याङ प्युठान,,रक्तसञ्चार सेवाकेन्द्र प्युठान र लायन्स क्लब अफ प्युठानको संयूक्त सहकार्यमा दिवस कार्यक्रम सम्पन्न गरिएको थियो ।