झिमरुक गाउँपालिका वडा नम्बर १ सौतामारे स्थित अमर सिंह मा.बि. को ५३ औं बार्षिक उत्सब तथा अभिभावक दिवसमा विविध कार्यक्रमको आयोजना गरि मनाएको छ । बुधबार ५३ औं बार्षिक उत्सब तथा अभिभावक दिवसमा जिल्ला समन्वय समिती प्युठानका प्रमुख धरम जि.सी.ले शिक्षाको सुधार हुँदै गएको र अव बैकल्पिक शिक्षाको आवश्यकता रहेको बताए । उनले विद्यालयलाई परेको समस्याहरु वडाबाट सिफारिस भएर आएमा आफुले त्यसलाई समाधान तर्फ लैजाने जानकारी दिए । त्यस्तै विद्यालयको लागि अझै थप उत्तरोत्तर प्रगतिको कामना समेत व्यक्त गरे ।

त्यस्तै झिमरुक गाउँपालिकाका प्रमुख प्रशासनिक अधिकृत सुवास रिजालले शिक्षाको क्षेत्रलाई अगाडी बढाउन शिक्षक, अभिभाव, विद्यार्थी नै लगाव भएर लाग्नुपर्ने बताए । त्यस्तै अन्य वक्ताहरुले ब्यबहारिक शिक्षा बिना समृद्धिको परिकल्पना गर्न नसकिने भएकाले त्यसको लागि अभिभावक शिक्षक विद्यार्थी बिच तृकोणात्म सम्बन्ध भए मात्र हासिल गर्न सकिने बताएका छन् ।
कार्यक्रममा प्रमुख अतिथि जिल्ला समन्वय समिती प्रमुख धरम बहादुर जि.सि, विशिष्ट अतिथि झिमरुक गाउँपालिकाका प्रमुख प्रशासनिक अधिकृत सुवास रिजाल लगायत वडा अध्यक्ष धुर्व खनाल, दधिराम पोख्रेल, शिक्षा शाखा प्रमुख मोहन बिसी जनप्रतिनिधि, शिक्षाप्रेमी, समाजसेबी, अभिभावक र विद्यार्थीहरुको उपस्तिथि रहेको थियो ।