नेपाल रेडक्रस सोसाइटी जिल्ला शाखा प्यूठानले विहिबार जनता मा वि बाग्दुलामा अध्ययनरत शुस्त मनस्थितिका बालबालिकालाई न्यानो कम्बलहरू हस्तान्तरण गरेको छ । उक्त विद्यालयमा १२ जना शुस्त मनस्थितिका बालबालिका भए पनि कतिपय घरदेखी नै आउजाउ गर्ने भएका कारण होस्टेल बस्दै आइरहेका ५ जनालाई मात्र प्रतिव्यक्ति १ थानका दरले दिइएको नेपाल रेडक्रस सोसाइटी जिल्ला शाखा प्यूठानका सभापति गुमानराज पुलामीले बताए । यो शाखाले पुष २६ गते भुवनेश्वरी मा.वि खैरामा अध्ययनरत २१ जना सुस्त श्रवण भएका व्यक्ति र त्यहि दिन नै महेन्द्र नमुना मा.वि खलंगामा रहेका दृष्टिविहिन १४ जनालाई दिएको जानकारी दिए ।

शाखाले सक्ने सहयोगहरु सधै गर्दै आइरहेको र राहतका कार्य आगामी दिनमा पनि निरन्तर रहने सभापति पुलामीले बताए । मानविय समस्या देखी लिएर, हरेक खालका कार्यहरुमा निष्पक्ष तरिकाले गरिब दिनदुखीहरुलाई सहयोग गर्दै आइरहेको बताएका छन् । साथै शाखाको यहि माघ २७ गते अधिबेशन हुने समेत जनाएको छ । अधिवेशनले नयाँ नेतृत्व चयन गर्ने पनि सभापति पुलामीले जानकारी दिए ।