प्युठान नगरपालिकाको आयोजनामा प्युठान नगरपालिका १ साल घारीमा सोमबार देखि ८ दिने गरीबि निवारण सम्बन्धी लघु उद्यम बिकास कार्यक्रम सुरु भएको छ । लघु उद्यम बिकास कार्यक्रम अन्तर्गत उद्यमशीलता अभिबृद्धि गर्ने उदेश्य संगै रोजगारी सृजना गर्ने र नयाँ उद्यमिका लागि ८ दिने उद्यमशीलता विकास तालिम सुरु भएको हो ।
उक्त तालीमको उद्घाटन गर्दै प्युठान नगरपालिकाका नगर प्रमुख बिष्णु योगिले उद्यमसिलता बिकास तालीम बाट स्वरोजगार सङ्गै रोजगारी सृजनामा केन्द्रित हुने बताए। उनले भने’ तालिम अबधिभर सहभागीले आफ्नो जिम्मेवारी लिनु भनेको स्वरोजगार बन्नु हो ।

उनले व्यक्ति कुशल भए राष्ट्र र समाजले पनि लाभ लिने बताएका छन् । । उद्यमशीलता विकासको क्षेत्रमा प्युठान नगरपालिका निरन्तर आगडी बढने प्रतिबद्धता समेत जनाएका छन् । त्यस तालिम बाट समुदाय स्तरमा सिपको बिकास गरि स्वरोजगार बन्न समेत उनले आग्रह गरे । तालिम फागुन १ गते सम्म सञ्चालन हुने नगरपालिकाले जनाएको छ।