२५ माघ २०७९गौमुखी गाउँपालिकाको आयोजनामा सीप सिकौ, उद्यमी बनौ भन्ने नारा सहित गौमुखी गाउँपालिका १ र २ नं वडामा सीपमुलक तालिम सुरु भएको छ । आर्थिक बर्ष २०७८। ०७९ को कार्यक्रम अनुसार यो तालिम अगाडी सारिएको गाउँपालिकाले जनाएको छ । गा्रमिण भेगमा रहेका बेरोजगार यूवा, महिला तथा बैदेशिक रोजगार गुमाएर फर्किएका यूवाहरुलाई लक्षित गरि कार्यक्रम सञ्चालन गरिएको उद्यम विकास सहजकर्ता गोमा पुन मगरले जानकारि दिए । सीपमा आत्मनिर्भर बनाई आयआर्जनमा बृद्धि बिकास गर्ने र स्वारोजगार बनाउने विशेष कार्यक्रमको लक्ष्य रहेको सहजकर्ता पुनले बताए ।
गौमुखी गाउँपालिकाको १ नं वडामा २३ गते सोमबार देखी सीलाई कटाई, मगर संस्कृतीको लागि लुङ्गी बुनाई, बुटिक तालिम र चाउमिन बनाउने गरि चार विधामा तालिमहरु सञ्चालन भएका छन् । सिलाई कटाईको लागि १४ जनालाई २ महिना, लुङ्गी बुनाईमा १७ जनालाई २ महिना, बुटिक तालिमको लागि ८ जनालाई एक महिना र चाउमिन बनाउने १ हप्ताको लागि ९ जना गरि त्यस वडामा ४८ जना रहेका छन् ।
त्यस्तै २ नं वडामा धाका सल बुन्ने, सिलाई कटाई र सुइटर बुन्ने गरि ३ तहमा कार्यक्रम सुरु भएको छ । त्यस वडामा सल बुन्ने तालिमको लागि २ महिना, सिलाई कटाईको लागि २ महिना र सुइटर बुन्ने तालिम १ महिना सम्म हुने भएको हो ।
