झिमरुक गाउँपालिका अध्यक्ष पित बहादुर महतरा क्षेत्रीले पालिकाको बिकास र सेवा प्रवाहलाई चुस्त दुरुस्त बनाउन आफुहरु प्रतिबद्ध रहेको बताएका छन् । सोमबार गाउँपालिकाको प्रथम चौमासिक सार्वजनिक सुनुवाई कार्यक्रममा बोल्दै अध्यक्ष क्षेत्रीले जनतालाई बढि भन्दा बढी लाभ पुग्ने गरी योजना बनाएको बताए ।

जवाफदेही भएर झिमरुकको बिकास र समृद्धि अभियानमा लागेको उनले बताए । पालिका भित्र रहेका सम्भावनालाई समेट्ने गरी झिमरुकको बिकास र समृद्धिको लागि बिज्ञ सहितको कार्यशाला फागुन ८ र ९ गते तय गरेको समेत उनले जानकारी दिए।
पालिकाले ठुला योजना सहित जनताको आवश्यकताको आधारमा योजना तय गरिएको उल्लेख गर्दै १५ शैयाको अस्पताल, चिस्यान केन्द्र, ठूला सडक पुर्वाधारको योजना अघि बढाएको उनले बताएका छन् ।

कार्यक्रममा उपाध्यक्ष प्रमोद पोख्रेलले सार्वजनिक सुनुवाईले पालिकाको काम कार्वाहीलाई थप प्रभावकारी बनाउन सहयोग पुग्ने विश्वास व्यक्त गर्दै अहिले पालिकाको योजनाको काम तीब्र रुपमा अगाडी बढेको समेत जानकारी दिए । योजना समयमै सप्पन्न गर्न बिहानदेखि साझसम्म निरन्तर खटिएको उनको भनाइ छ ।

उपाध्यक्ष पोख्रेलले जनताको आवश्यकतालाई क्रमशः पुरा गर्दै जाने प्रतिबद्धता ब्यक्त बताएका छन्। सबै पक्षलाई समेट्दै बिना आग्रह पुर्वाग्रह काम गरिएको उनको भनाई छ । कार्यक्रममा प्रमुख प्रशासकीय अधिकृत सुवास रिजालले यस आर्थिक वर्षको पुस मसान्तसम्मको प्रगति प्रतिवेदन प्रस्तुत गरेका थिए ।

संघर्ष मिडिया प्रालिले सहजीकरण गरेको कार्यक्रममा  पत्रकार प्रज्वल पहाडीले नागरिक प्रतिबेदन पत्र र बहिर्गमन अभिमत पत्रको प्रतिबेदन प्रस्तुत गरेका थिए । कार्यक्रमको संचालन पत्रकार सुजल श्रेष्ठले गरेका भने कार्यक्रममा राजनीतिक दलका प्रतिनिधि जनप्रतिनिधि बुद्धिजीवी उपभोक्त लगाएको उपस्थित रहेको थियो ।