![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/02/IMG_20230218_162512-225x400.jpg)
बुबा ओछ्यान छोड्नै नसक्नेगरि लडेका छन् । आमाले छोडेर अर्कैसंग बिवाह गरिन । प्यूठान नगरपालिका ६ माझकोट खोलीगाउँका दुई बालिका विचल्लीमा छन् । ५ वर्षीय पवित्रा र ७ वर्षीय यलीसा घर्तीको बुबा लडेर बिरामी परेपछि विचल्ली भएको हो । आमा सीता थापाले छोरीहरुलाई छाडेर अर्कैसंग बिवाह गरेर गएको दुई वर्ष बढि भो । माझकोट खोलिगाउँका ३२ वर्षीय हस्तबहादुर घर्तीमगर ओछ्यानमै हलचल गर्न नसक्नेगरि पल्टिएपछि छोरीहरुको बिचल्ली भएको स्थानीय बताउँछन् ।
बालीकाहरु छिमेकीको घरमा बसेका छन् । स्थानीय विद्यालयमा कक्षा १ का अध्ययरत उनीहरु बुबा बिरामी परेपछि नियमित विद्यालय जान समेत पाएका छैनन् । हस्त बहादुरले दिसा,पिसाव ओछ्यानै गर्छन् । उनको स्याहार अलग भएका भाइले आफ्नो घरमा राखेर गर्दै आएका छन् । बिरामी परेपछि हस्त बाहादुरको घरमा ताल्चा लगाएको छ ।
गाउँमा ज्यालादारीमा काम गरेर दुई छाकको जोहो गर्ने घर्ती यही फागनु १ गते छिमेकीको घर निर्माण गर्नेक्रममा गाँरो लगाउँदै गर्दा लडेका थिए । त्यसपछि स्थानीय समाज सेवीहरुले केहि रकम चन्दा संकलन गरेर घर्तीलाई जिल्ला अस्पताल बिजुवार ल्याएको स्थानीय टिका बहादुर थापाले बताए । त्यहाँबाट रिफर गिरियो । बुटवलको लुम्बिनी सीटी अस्पतालमा पुराएका थिए । त्यहाँ चिकित्सकले पछाडीको मेरुडण्ड भाचिएको भनेका थिए ।
उपचार खर्चको रकम सकिएपछि घर फर्कन परेको हस्त बहादुरले बताए । ‘अरुको काम गरेर छोरीहरु पालेको थिय,’उनले भने,‘ आफू कहिले मर्ने हो भन्दै दिन गन्ने भइयो । छोरीहरुको भविष्य सम्झिएर निकै चिन्ता लाग्छ ।’ उनी लडेपछि घरमा आगो बलेको छैन् । ‘छोरीहरु एक्लै घरमा बस्न सक्ने अवस्थाका छैन,’ गहभरी आँसु
झार्दै उनले भने,‘छिमेकीले कति दिन पाल्देलान् ? ।’
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)