स्वर्गद्धारी प्यूठान पाचौं महोत्सवको मुख्य आकर्षकको रुपमा रहेको प्यूठान डान्स आइडल आज शुक्रबार टप ५ मा पुगेको छ ।

नौ वटै स्थानीय तहबाट लिएको अडिसनमा पाच सय भन्दा बढि सहभागि भएका थिए ।

जिल्लाको सबै स्थानीय तह मध्य बाट आज शुक्रबार आइडलले टप ५ प्रतियोगि पाएको हो ।

हिजो विहिबार भएको भोटिङको आधारमा आज शुक्रबार तीन जना प्रतियोगिलाई आउट गर्दै ५ जनालाई छनोटमा लिएको छ ।

मल्लरानी गाउँपालिकाकी एलिशा थापा मगर, रेजिना के.सी को समुह गौमुखी गाउँपालिका, अर्जुन भण्डारी प्यूठान नगरपालिका, विरा घर्ति मगर स्वर्गद्धारी नगरपालिका, सरस्वति घर्ति मगर नौबहिनी गाउँपालिका गरि ५ जना प्रतियोगि भोलिको लागि प्रतिस्पर्धामा जुट्ने भएका छन् ।

यो आइडल अडिसन भोलि नै समापन गर्ने आइडल व्यवस्थापन सदस्य बोम बहादुर परियारले जानकारि दिए । भोलि शनिबार दिउँसो २ बजेसम्म भोटिङ रहने बताइएको छ ।
आइडल विजेताले ५५ हजार ५ सय ५५ रुपैयाँ पाउने छ भने फस्ट रनरअपले ३३ हजार ३ सय ३३ रुपैयाँ, सेकेण्ड रनरअपले २२ हजार २ सय २२ रुपैयाँ ट्रफी प्रमाण पत्र पाउने छन् ।

प्युठान डान्स आइडललाई टाइटल प्रायोजन लुम्बिनी सिटि अस्पताल बुटवलले गरेको छ ।