झुलेनी नेटवर्क२०७९ चैत ०९ प्यूठान
२०७९ चैत ०९ प्यूठान नेपाली राष्ट्रिय क्रिकेट टिमका खेलाडी प्रतिश जिसीलाई प्यूठानको झिमरुक गाउपालिकाले सम्मान गरेको छ । झिमरुक गाउँपालिका–३ मा जन्मिएका जिसीलाई झिमरुक गाउँपालिकाले बिहीबार एक कार्यक्रम गरेर नगद एक लाख रुपियाँसहित सम्मान गरेको हो ।
यसैबीच, खेलाडी जिसीलाई झिमरुकका उपाध्यक्ष प्रमोद पोख्रेलले व्यक्तिगत नगद ५० हजार रुपियाँ सहित दोसल्ला ओढाएर सम्मान गरेका छन् । त्यस्तै पोख्रेल फाण्डेशनका सञ्चालक कुशराज पाेख्रेलले फाउण्डेशन मार्फत रु ५० हजार सहित सम्मान गरेका छन्।
विश्वकप क्रिकेट लिग–२ मा उत्कृष्ट प्रदर्शन गर्दै एक दिवसीय विश्वकप छनोट खेलमा छनोट भएका जिसीलाई जिल्ला खेलकुद विकास समितिले सम्मान गर्ने कार्यक्रम तय गरेको समितिका उपाध्यक्ष बिमल पोख्रेले बताए ।
