प्यूठान जिल्लामा लघु बित्तिय संस्थाहरुको बिरुद्धमा बिरोध प्रदर्शन गरिएको छ । जिल्लाको मुख्य बजार प्यूठान न.पा.–८, बाग्दुलामा आइतवार दिउँसो बिरोध ¥याली सहित कोष सभाको आयोजना गरी लघुबित्तिय संस्थाहरुको ज्यादतीको बिरुद्धमा कार्यक्रमको आयोजना गरिएको हो ।

लघुबित्तिय संस्था बिरुद्धको संघर्ष समिति प्यूठानको आयोजनामा ५ बुदे माग सहित बिरोध सभा गरेका हुन् । संघर्ष समितिले सरकारी निकाय गैर जिम्मेवार हुनु, लघुबित्तिय संस्थाहरुको खारेजी, सामुहकि ऋण मिनाहा, आम गरिव किसानहरुलाई निशुल्क ऋण लगायतका माग सहित संघर्ष समिति आन्दोलन गरिरहेका हुन् ।

लघुबित्तिय संस्थाहरुबाट ग्रामिण क्षेत्रका महिलाहरुलाइ ज्यादती भएको भन्दै बिरोध सभा गरिएको पिडितहरुले बताएका छन् । जिल्लामा यस्तो खाले दोस्रो पटक आयोजना गरिएको बताउँदै उनिहरुले क्रमश लघुबित्तिय संस्था, स्थानीय तह, जिल्ला प्रशासन, जिल्ला प्रहरी कार्यालय लगायतका स्थानमा धर्ना कार्यक्रम समेत आयोजना गर्ने बताएका हुन् ।

जिल्लाका बिभिन्न स्थानीय तहबाट पिडित सहभागि महिलाहरुले बिरोध सभा गरेका हुन् । लघुबित्तिय संस्थाबाट आफुहरु पिडित भएको भन्दै आफ्नो माग पुरा नभएसमम आन्दोलन जारी राख्ने उनिहरुले बताएका छन् ।