२०७९ चैत्र २७लायन्स क्लब अफ प्यूठानले जिल्ला अस्पताल प्यूठानलाई फाइप पार्टस हेमाटोलोजी एनालाईजर मेसिन हस्तान्तरण गरेको छ ।
क्लबले सोमबार आज एक कार्यक्रमका बिच मेसिन हस्तान्तरण गरेको हो ।
जिल्ला अस्पतालमा यस अघि थ्री पार्टस हेमाटोलोजी एनालाईजर मार्फत विरामीहरुको सेवा गर्दै आएकोमा अब अस्पतालले फाइप पार्टस मार्फत विरामीहरुलाई थप प्रभावकारी सेवा दिने भएको छ ।
ल्याबलाई स्तरोन्नती गर्न तथा विरामीको सेवामा थप सहज पु¥यानका लागि पनि मेसिन सहयो गरिएको लायन्स क्लब अफ प्यूठानका उपाध्यक्ष झविन्द्र शर्माले बताए ।
साथै क्लबले अस्पतालको लागि डाइलोसिस मेसिन समेत उपलब्ध गराउने तयारीमा रहेको बताए ।
त्यस्तै अस्पतालका निमित्त मेडिकल सुपरिटेन्डेन डा. प्रमिला खनालले मेसिन उपलब्ध भएपछि स्वास्थ्य सेवामा टेवा पुग्ने बताइन् ।
लायन्स क्लब अफ प्यूठानका अध्यक्ष मिन बहादुर कवरको अध्यक्षतामा भएको कार्यक्रममा प्रमुख अतिथि जिल्ला समन्वय समिति प्यूठानका प्रमुख धरम बहादुर जीसी, अस्पतालका निमित्त मेडिकल सुपरिटेन्डेन डा. प्रमिला खनाल, प्यूठान नगरापालिकाका पूर्व मेयर अर्जुन कुमार कक्षपति, नेपाल पत्रकार महासंघ जिल्ला शाखा प्यूठानका अध्यक्ष सञ्जय रिजाल, पूर्व अध्यक्ष गिरु प्रसाद भण्डारी, औषधी व्यवसाय संघका जिल्ला अध्यक्ष भगत कर्मचार्य लगायतको उपस्थित थियो ।
