पालिका स्तरीय SMNH UPDATE मातृ तथा नवजात शिशु स्वास्थ्य सेवा सम्बन्धि ANC To PNC Continnum Of Care अभिमुखिकरण तथा समीक्षा कार्यक्रम झिमरुक गाउँपालिकामा सम्पन्न भएको छ ।

पालिका भित्र रहेका मातृ तथा नवजात शिशुहरुको मृत्युलाई कम गराउन विशेष यो कार्यक्रमको मुख्य उदेश्य रहेको झिमरुक गाउँपालिका अध्यक्ष पित बहादु महतरा क्षेत्रीले जनाए ।

उनका अनुसार मातृ तथा नवजात शिशुहरुले अकालमै ज्यान गुमाईरहेको भन्दै यसलाई न्यूनिकरण गर्नको लागि कार्यक्रम गरिएको अध्यक्ष क्षेत्रीले बताए ।

गर्भस्था देखी सुत्केरी हुँदा सम्म अपनाउने विविध समाधानहरुको बिषयमा छलफल भएको गाउँपालिकाले जनाएको छ ।

देशैभरि सन २०३० सम्ममा मातृ तथा नवजात शिशु मृत्यु दर शुन्यमा ल्याउनको लागि बनेको कार्यविधिलाई अगाडी सारी कार्यक्रम गरिएको झिमरुक गाउँपालिका स्वास्थ्य शाखा प्रमुख बिकास के.सीले बताए ।

साथै गाउँघरमा धेरै जसो घरमै बच्चा जन्माउने कार्य भइरहेको हुँदा त्यस्तो अवस्थामा आमा र शिशुको ज्यान खतरामा हुने भन्दै त्यसलाई पनि कम गर्नको लागि सजकता अपनाउनको लागि पनि कार्यक्रमको आयोजना शाखा प्रमुख के.सीको भनाई छ ।

कार्यक्रममा उपस्थितहरुलाई स्वास्थ्य संस्थाको बस्तु स्थिति बारे जानकारी गराइएको शाखा प्रमुख के.सी ले बताए ।

गाउँपालिका अध्यक्ष पीत बहादुर महतरा क्षेत्रीको अध्यक्षतामा भएको कार्यक्रममा पालिका भित्र रहेका स्वास्थ्य शाखाका प्रमुखहरु, ८ वटै वडाका वडा अध्यक्षहरु, स्वास्थ्य कार्यालय प्यूठानका फोकल पर्सन लगायतको उपस्थित रहेको थियो ।