प्यूठान नगरपालिका ४ कार्कीडाँडा स्थित सरस्वती प्राविमा अझै विद्यार्थीहरु भर्ना भएका छैनन् ।

यसले गर्दा २०१२ सालमा स्थापना भएको विद्यालय बन्द हुने अवस्थामा पुगेको छ ।

शैक्षिक सत्र सुरु भएको लामो समयसम्म पनि विद्यार्थी भर्ना नभएपछि विद्यालयमा अभिभावक, विद्यालय व्यवस्थापन समिति, वडा अध्यक्ष, बुद्धिजिबी सहितको बैठक बसेपनि अझैसम्म एकजना पनि विद्यार्थी भर्ना नभएको विद्यालय परिवारले जनाएको छ ।

बैठकमा सहभागिहरुले छोराछोरीहरुलाई फिर्ता लिन्छौ भने पनि अहिलेसम्म भर्ना गराएका छैनन् ।

प्यूठान नगरपालिकाका मेयर बिष्णु योगिले सररस्वती प्राविमा विद्यार्थी भर्ना नभएपछि त्यहाँ कार्यरत शिक्षकहरुलाइ कसरी व्यबस्थापन गर्ने भन्ने विषयमा छलफल भइरहको जानकारी दिए ।