News Portal

रेडियो सुन्नुहोस्

जुम्रीकाडाकी मिनाको कृतिम खुट्टा बन्ने भयो

बोम बहादुर परियार२०८० जेठ ११ प्यूठान
७५३ पटक
२०८० जेठ ११ प्यूठान

दुबै खुट्टा अपाङ्ग भइ घस्रीयर हिड्ने प्युठान जुम्रीकाँडाकी १४ वर्षिया बालिका मिना खत्रीको कृतिम खुट्टा बन्ने भएको छ । उनको समस्या र बाध्यताका बिषयमा प्युठानका धेरै मिडियाहरुले समाचार लेखे , सामाजिक सन्जालमा भाईरल सम्म बनाईयो ।

तर यहाको स्थानिय सरकारले कुनैपनी कदम चाल्न नसकेपछी डाक्टर राजेन्द्र पौडेलको पहलमा मिनाको कृतिम खुट्टा बन्ने भएको हो । मिनाले आफ्नो खुट्टा बन्ने भएपछी मङ्गलबार पोखरा पुगेर खुट्टाको नापो दिएर बिहिबार घर फर्केकी छिन ।

आफ्नो बुवासङ्ग पोखरा पुगेकी मिना अहिले खुसी देखिन्छिन ।

पोखरा स्वास्थ बिज्ञान प्रतिस्ठानमा का¥यरत अर्थोपेडिक सर्जन डाक्टर राजेन्द्र पौडेलले मिनाको बिषयमा सामाजिक सन्जालमा तस्बिरहरु देखेपछी प्युठान नगरपालिका वडा नम्बर ५ का वडा अध्यक्ष नन्दराम पुन मगर सङ्ग सम्पर्क गरि मिनालाई पोखरा बोलाएका थिए ।

अहिले मिनाले आफ्नो खुट्टाको साईज मात्र दिएर आएकी छिन । मिनाको कृतिम खुट्टा बनाउनको लागि पोखराको ग्रीन पास्चर अस्पतालमा अर्डर दिएको छ ।

असार १५ गते भित्र कृतिम खुट्टा तयार बन्ने डाक्टर राजेन्द्र पौडेलले बताए । ९ महिनाको उमेरमा आगोमा जलेर मिनाको खुट्टा अपाङ्ग भएको थियो । उनी लामो समयसम्म घस्रेर जीवन बिताईन ।

अब उनको त्यो बाध्यता हराउने भएको छ । खुट्टा तयार भएपछी मिना अरु मान्छे जस्तै हिड्न सक्ने हुन्छिन ।

त्यस्तै प्यूठान नगरपालिका वडा नं १० मरन्ठानाकि २१ वर्षिय चादनी बिकको गत बैशाख १५ गते मोटरसाईकल दुर्घटनामा दुबै खुट्टा भाचिएको थियो । साथै उनको च्युडोमा पनि असर परेको थियो ।

उनलाई प्युठानमा उपचार सम्भब नभएपछी डाक्टर पौडेलकै पहलमा पोखरा लगियो । डाक्टरका अनुसार उनको अवस्था निकै गम्भीर थियो ।

धेरै ठूलो चुनौतिबाट चादनिको २ वटा सफल सल्यक्रिया भएको डाक्टर राजेन्द्र पौडेलले बताए । साथै चादनिका बुवा सुरज बिक ले डाक्टर पौडेल नभएको भए छोरिको ज्यान बचाउन नसकिने बताए ।

त्यस्तै डाक्टर पौडेलकै पहलमा प्यूठान नगरपालिका ४ ईन्द्रेडाँडाका बिनोद नेपालीको छोरा बर्ष १० का मनिक नेपालीको पनि निसुल्क सल्यक्रिया गरिएको छ ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

प्यूठानको जनजीवन सामान्य बन्दै

जेन–जी आन्दोलनका कारणअस्तव्यस्त बनेको प्यूठानको जनजीवन सामान्य बन्दै गएको छ । जिल्लाका मुख्य – मुख्य...

जेन–जी समुह प्यूठानद्धारा सम्पत्ति छानबिन गर्न माग

जेन–जी समुह प्यूठानले निर्वाचित जनप्रतिनिधि, ठेकेदार,कर्मचारीहरुको सम्पति छानबिन गर्न माग गरेको छ । समुहले आईतबार...

प्यूठानमा निषेधाज्ञा जारी, कर्फ्यु हटाईयो

प्यूठानमा निषेधाज्ञा जारी रहेपनि कर्फ्यु हटाईएको छ । निषेधाज्ञामा सामान्य हिडडुल गर्न सकिने भएपनि ५...

विजुवारबाट २ जना युवा पक्राउ

सडकमा ड्युटी बसेका प्रहरीलाई गाली गर्दै हिड्ने २ जना युवा पक्राउ परेका छन । वुधवार...

प्रधानमन्त्री ओलीले दिए राजिनामा

प्रधानमन्त्रि केपी शर्मा ओलीले राजिनामा दिएका छन् । काठमाण्डौमा भएको जेन–जि को आन्दोलनमा प्रहरीको गोलि...