बिबश जि.एम२०८० जेठ १६
२०८० जेठ १६सरुमारानी गाउँपालिकामा प्रधानाध्यापकहरुलाई आईसिटि सम्वन्धी तालिम दिइएको छ । गाउँपालिका भित्रका सामुदायिक तथा संस्थागत विद्यालयका प्रधानाध्यापकहरुका लागि तालिम गराईएको सरुमारानी गाउँपालिकाका सुचना अधिकारी शिबराज न्यौपानेले बताए ।
पालिकाका ३६ विद्यालय मध्य २६ विद्यालयका प्रधानाध्यापकहरु तालिममा सहभागि भएका थिए । जेठ १२ गतेदखी सुरु भएको तालिम मंगलबार सम्पन्न भएको हो ।
तालिम अवधिभर इमेल,इन्टरनेट,एक्सल,आईसिटी सम्बन्धि जानकारी लगायतका अन्य धेरै बिषयमा तालिम दिएको गाउपालिकाले जनाएको छ ।
डिजिटल यूगमा विद्यालयलाई इन्टरनेट तथा सुचनाबाट पनि कसरी प्रभावकारी बनाउन सकिन्छ भन्ने बिषयलाई मुख्य एजेण्डा बनाएर तालिम दिइएको प्रशिक्षक समेत रहेका न्यौपानेले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
