सुर्तीजन्य पदार्थ सेवनको न्यूनीकरण सम्बन्धी सचेतना कार्यक्रम बुधबार मल्लरानी गाउपालिका ३ मा सम्पन्न भएको छ । वडा अध्यक्ष नोमराज पौडेलको अध्यक्षता र मल्लरानी गाउपालिकाका अध्यक्ष कृष्ण खड्काको प्रमुख आतिथ्यतामा कार्यक्रम सम्पन्न भएको हो ।

कार्यक्रमको सहजीकरण गर्दै धरम्पानी स्वास्थ्य चौकिका प्रमुख टुकाराम पोख्रेलले सरकारले अबलम्बन गरेका नितिनियम र सन्चालन गरेका गतिबिधिका बिषयमा प्रस्तुतीकरण दिएका थिए ।

नेपालमा सुर्तीजन्य पदार्थको सेवनका कारण विभिन्न नसर्ने रोगहरु क्यान्सर, मुटु रोग, दिर्घ स्वास प्रस्वास सम्बन्धी रोग र मधुमेह हुनुको प्रमुख कारण रहेको बताए ।

त्यस्तै बार्षिक नेपालमा करिब २७ हजार १ सय ३७ मानिसहरुको मृत्यु सुर्तीजन्य पदार्थको सेवनका कारण हुने गरेको पोख्रेलले बताए । त्यसैले यसको सेवन नगर्न उनले आग्रह गरेका थिए ।

नेपाल सरकारले तोकिदिएको सार्बजनिक ठाउँबाट एक सय मिटर वरपर सुर्तीजन्य पदार्थ बेच्न र सेवन गर्न रोक लगाएता पनी ब्यावहारमा लागू नभएको उनले बताए ।

त्यस्तै कार्यक्रममा बोल्दै प्रमुख अथिती कृष्ण बहादुर खड्काले सुर्तीजन्य पदार्थ बिक्रीवितरण तथा प्रयोगको न्यूनीकरण गर्न कडाईको साथ लाग्ने बाताए ।

कार्यक्रममा बोल्दै अध्यक्ष नोमराज पौडेलले सुर्तीजन्य पदार्थ सेवन न्यूनीकरणको लागि महिला स्वास्थ्य स्वयंसेबिका हरुको समाजमा बिशेष भुमिका हुने हुँदा उनिहरुको सहयोगमा स्थानिय स्तरमा चेतना स्तर बढाउने कार्यक्रमहरु अगाडि लैजानुपर्ने बताए ।

मल्लरानी गाउपालिकाले आयोजना गरेको कार्यक्रममा महिला स्वास्थ्य स्वयंसेबिका, जनप्रतिनिधि, स्थानिय व्यापारी, स्वास्थ चौकी ब्याबस्थापन समिती र सरोकारवाला हरुको उपस्थित रहेको थियो ।