विद्यालय हाताभित्र विद्यार्थीमाथि कुटपिट हुँदा कम्तिमा ४ जना विद्यार्थी घाईते भएका छन्।
बुधवार मुक्ति माध्यमिक विद्यालय प्यूठान नगरपालिका ३ रातामाटामा विद्यार्थीमाथि कुटपिट भएको हो।

सोही विद्यालयको गार्डले आन्दोलनमा प्रहरिले लाठिचार्ज गरेजसरी लाठि हिर्काउदा छेक्ने क्रममा केही विद्यार्थीहरु घाईते भएको विद्यालयका प्रधानाध्यापक दामोदर विष्टले पुष्टि गरे।

उनका अनुसार एकजना विद्यार्थीको प्यूठानमा उपचार हुन नसक्ने भएपछी बाहिर रिफर गरिएको छ भने अन्यको प्यूठानमै उपचार भईरहेको छ । प्यूठान अस्पत्तालमा उपचार भईरहेका एकजनाको हात फ्याक्चर भएको छ भने अन्यको शरिरका विभिन्न भागमा चोट लागेको छ ।

एकजना विद्यार्थीलाई बाहिर पठाउदै छौं अरुको यहिँ उपचार हुदैछ प्रधानाध्यापक विष्टले भने दुखद घटना घटेको छ। पहिले घाईतेको उपचार गर्नुपर्यो त्यसपछी घटनावारे थप छानविन गर्नुपर्ला।

जिल्ला प्रहरी कार्यालयका प्रमुख प्रहरी नायव उपरिक्षक सुवाष खड्का ले सामान्य विषयमा विवाद उत्पन्न हुदा गार्डले कुटपिट गरेपछी ४ जना विद्यार्थी घाईते भएको जानकारी प्राप्त भएको वताए।