बालमैत्री स्थानीय शासन सम्बन्धि तालिम ऐरावती गाउँपालिका ५ मा सम्पन्न भएको छ । सरोकार सञ्चार तथा मानव संशाधन केन्द्र प्यूठानको  आयोजना तथा ऐरावती गाउँपालिकाको सहयोगमा तालिम संचालन भएको हो ।

दुई दिन सम्म चलेको तालिममा बालमैत्री स्थानीय शासनका अवधारणा, सुचक, स्थानीय तहले बालमैत्री स्थानीय शासनका विषयमा गरेका प्रयासहरुका बारेमा जानकारी गाराईएको छ ।

न ५ वडाअध्यक्ष चन्द्रबहादुर रोका मगरले बालमैत्री स्थानीय शासनका सुचकहरुलाई पुरा गर्नको लागि सबै पक्ष सक्रिय भएर लाग्न आग्रह गरे । साथै आगामी दिनमा वडा न ५ लाई बालमैत्री वडा बनाउन सम्बद्ध सबैलाइ सहयोग गर्न समेत अपिल गरे ।

तालिमको सहजीकरण जुमान सिंह के सी, मधुसुदन भण्डारी, पारस भण्डारी लगायतले गरेका छ्न । यसैबीच ऐरावती गाउँपालिका वाड न ४ मा पनि विहिबार देखि दुई दिने बालमैत्री स्थानीय शासन सम्बन्धि अभिमुखिकरण तालिम शुरु भएको छ ।