स्वर्गद्धारी नगरपालिका ५ नं स्थित जीर्ण अवस्थामा रहेको सारी स्वास्थ्य चौकीको नयाँ भवन बन्ने भएको छ ।

केन्द्र सरकारबाट सर्सत अनुदानमा स्वास्थ्य क्षेत्र सुधार कार्यक्रम अन्तर्गत २० लाख रुपैयाँ बजेट विनियोजन भएपछि उक्त जीर्ण रहेको सारी स्वास्थ्य चौकीको नयाँ भवन बन्ने भएको ५ नं वडा अध्यक्ष गिर बहादुर घर्ति मगरले जानकारी दिए ।

उनका अनुसार २०५४ सालमा नबनेको यो भवन काम सुरु गर्ने केही बर्ष भित्र सम्पन्न गर्ने गरि तयारी गर्ने बताए । साथै नयाँ भवन बनेपछि स्वास्थ्य क्षेत्रमा सुधार सँगै त्यहाँका कर्मचारीलाई सहज र स्थानीय जनताले पनि लाभ लिनेमा विश्वस्त रहेको पनि बताए ।

त्यस्तै वडामा अन्य भौतिक निर्माणमा जलुके धर्मशाला अमर मा.वि मालुङको लागि पक्कि बाटोलाई १ करोड ७५ लाख,बाझिपुर लिफ्ट सिँचाई तथा खानेपानी ७० लाख, नगरपालिका देखी जिम्मुरपाटा जोड्ने सडकको लागि १ करोड,स्वास्थ्य चौकी देखी बसपार्क सम्म जोड्ने बाटोको लागि ५० लाख र देउराली खानेपानीको लागि २ करोड बजेट विनियोजन भएको समेत जानकारी दिए ।

डामा यो आर्थिक बर्षमा कुल ५ करोड २७ लाख ५० हजारको बजेट प्राप्त भएको छ । ती सबै कार्यहरु निरन्तर रुपमा अगाडी बढाउदै जाने पनि अध्यक्ष घर्तिले बताए ।