२०८० जेठ २४झिमरुक गाउँपालिका प्यूठानमा गाउँपालिका अध्यक्षका छोरा सहितको टोलिले कर्मचारी कुटेपछि गाउँपालिकाको सेवाप्रवाह अनिश्चितकालका लागि बन्द हुने भएको छ ।
बुधवार दिउँसो योजना तथा तथ्यांक शाखामा कार्यरत दिपक जि.सी.लाई गाउँपालिका अध्यक्ष पित बहादुर महतराका छोरा मिलन एमसी, पँधेरापात्ला मोटरबाटो उपभोक्ता समितिका अध्यक्ष राम बहादुर खड्का, सचिव गोपाल खड्काले अभद्र व्यवहार र हातपात गरेको भन्दै गाउँपालिकामा कार्यरत कर्मचारीले संयुक्त रुपमा हस्ताक्षरित बिज्ञप्ती जारी गर्दै घटनाको भर्तसना गरेको छ ।
आफूमाथि हातपात भएपछि सुरक्षाका लागि प्रमुख प्रशासकीय अधिकृत शुवास रिजालको कार्यकक्षमा गएका जि.सी. र रिजाललाई समेत अभद्र व्यवहार गर्दै गालीगलौच गरेको बिज्ञप्तीमा उल्लेख छ ।
कर्मचारीहरुले कार्यकक्षमै अपमानित भई कुटाई खानुपरेको, सुरक्षित नभएको भन्दै दोषीहरुलाई कडा भन्दा कडा कारबाहि नहुँदा सम्म गाउँपालिका, वडा कार्यालय र स्वास्थ्य संस्थाबाट प्रवाह हुने अत्यावश्यक सेवा बाहेक अन्य सेवाप्रवाह अनिश्चितकालका लागि बन्द गरिएको बिज्ञप्तीमा जारी गरिएको छ ।
हेर्नुहोस बिज्ञप्तीको पुर्ण पाठ
