![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/06/traffic-533x400.jpg)
प्युठानमा सवारी दुर्घटना न्यूनीकरणको लागि सवारी चालकको स्वास्थ्य परिक्षण गरिएको छ ।
सोमबार टिकुरी बसपार्कमा गरिएको स्वास्थ्य परिक्षणमा ९१ जना सवारी चालकले आफ्नो आँखा र प्रेसरको जाँच गराएका छन । जसमध्ये ३ जनामा आँखाको समस्या देखिएको छ भने २१ जना सवारी चालकमा उच्चरक्त चापको समस्या देखिएको अस्थायी ट्राफिक प्रहरी पोस्ट बाग्दुलाका प्रहरी निरीक्षक नवीन अधिकारिले जानकारी दिए । बाँकी सवारी चालकको अबस्था सामान्य रहेको उनको भनाई छ ।
नेपाल नेत्र ज्योति संघ प्रस्तावित नरेन्द्र गायत्री आँखा अस्पताल बिजुवारको आयोजना तथा जिल्ला ट्राफिक प्रहरी कार्यालयको समन्वयमा स्वर्गद्वारी लाईफ केयर पोलीक्लिनिक बाग्दुलाले शिबिर सञ्चालनका लागि सहयोग गरेको थियो ।
प्युठान जिल्लाका प्रत्येक पालिकाका बजारहरुमा पुगेर सवारी चालकहरुको स्वास्थ्य अवस्था परिक्षण गर्ने जिल्ला ट्राफिक प्रहरी प्रमुख चन्द्र के.सीले बताए । यसले गर्दा सवारी दुर्घटना न्यूनीकरण गर्नमा मद्दत पुग्ने उनको भनाई छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)