बिबश जि.एम२०८० असार १२
२०८० असार १२जिल्लाको मल्लरानी गाउँपालिकालाई पूर्ण खोप सुनिश्चितता घोषणा गरिएको छ । गाउँपालिकामा रहेका ५ वटै वडाले सबै खोप दिए सँगै पूर्ण खोप सुनिश्चितता घोषणा गरिएको गाउँपालिकाले जानकारी दिएको छ ।
० देखि १५ महिना पुगेका बच्चालाई १३ प्रकारका खोप र १६ देखि १८ महिना पुगेका सबैजसो बालबालिकालाई खोप दिइसकेकोले गाउँपालिकालाई पूर्ण खोप सुनिश्चितता घोषणा गरिएको गाउँपालिका अध्यक्ष कृष्ण बहादुर खड्काले जानकारी दिए । कहिकतै मात्र घरमै सुत्केरी भए पनि प्राय जसो बर्थिङ सेन्टर तथा स्वास्थ्य चौकी र अस्पतालहरुमा सुत्केरी भएको पनि उनले बताए ।
जिल्लामा अहिलेसम्म ७ स्थानीय तह पूर्ण खोप सुनिश्चितता घोषणा भइसकेका छन भने २ वटा सरुमारानी गाउँपालिका र स्वर्गद्धारी नगरपालिका घोषणा गर्न बाँकी रहेका छन् ।
