माण्डवी गाउँपालिकाले बुधबार एसईई नतिजाको समिक्षा गरेको छ । समिक्षाले विद्यालयमा हुने पठन/पाठन लगायतका विषयमा छलफल तथा निर्णय गरेको गाउँपालिकाले जनाएको छ ।

मासिक रुपमा प्रत्येक शैक्षिक संस्थाहरुमा सो मुल्याङकन पुस्तिका तयार गर्ने, मुल्याङकन पुस्तिका अनुसार कार्य भए नभएको अनुगमन गर्ने र मुल्याङकन अनुसार कार्य नभएको खण्डमा त्यस सस्थालाई बढुवा ग्रेड बृद्धि, तलब रोक्का गर्ने निर्णय गरेको गाउँपालिका अध्यक्ष नमराज अधिकारीले जानकारी दिए । गाउँपालिकाले शिक्षा क्षेत्रमा बढि लगानी गरे पनि राम्रो नतिजा नआएपछि ग्रेड वृद्धि र तलब रोक्काको निर्णय गर्नुपरेको अधिकारीले बताए ।

प्रमुख प्रशासकीय अधकिृत प्रकाश पाण्डेले प्रधानाध्यापकहरुले विद्यालयको कुशल प्रशासन संचालन गर्दै नतिजामा व्यापक सुधार गर्न आग्रह गरे । साथै शिक्षकहरुले आफ्नो पेशामा अनुशासिति, मर्यादति र परिणाम निकाल्नु पर्ने उनको भनाई थियो । समक्षिामा जनप्रतिनिधि, कर्मचारी र मावी विद्यालयका प्रधानाध्यापकहरुको उपस्थिति रहेको थियो ।