सरुमारानी गाउँपालिका ३ हंसपुर स्वास्थ चौकी ल्याबमा कार्यरत कर्मचारी साधना केसिले आफ्नो जन्मदिन किड्नी पिडितलाई आर्थिक सहयोग गरेर मनाएकी छिन ।
पछिल्लो समय मानिसहरु जन्मोत्सवमा फजुल खर्च र खान पान गरि मनाउने प्रचलन बढ्दो छ । तर साधनाले बिहिबार प्युठान नगरपालिका ४ बिजुवार गाजुरिका २९ वर्षिय किड्नी पिडित राजकुमार नेपालिको उपचारको लागि ३ हजार एक सय दश रुपैया राजकुमारकि आमा लक्ष्मी नेपालिलाई हस्तान्तरण गरेकी हुन ।
साधना अहिले २२ बर्ष पुरा भई २३ बर्षमा प्रबेस गरेको बताईन ।
आफुले कमाएको पैसाबाट केही रकम गरिब बिरामिलाई सहयोग गर्न पाउँदा आफूलाई खुसी मिल्ने उनी बताउछिन ।
राज कुमार नेपाली अहिले आफ्नो उपचारको लागि बुबासङ्ग दिल्लि गएका छन । २०७९ साल पौष महिनादेखी उनको दुबै किड्नीमा समस्या देखिएको थियो । विभिन्न संघ सस्था र आफन्तको सहयोगमा उनलाई उपचार गराउन दिल्ली लगिएको उनकी आमाले बताईन ।
राजकुमारको परिवारले अहिले पनि सहयोगको याचना गरिरहेका छन । राजकुमारको एउटा श्रीमति एउटा छोरा र अर्को छोरी रहेका छन । परिवारले आशा गर्ने ब्याक्ती लाई नै यति ठूलो रोग लागेपछी अहिले परिवारमा निराशा उत्पन्न भएको छ ।