२०८० श्रावण ६लामो समयदेखि हिड्डुल गर्न नसक्ने चित्र बहादुर अहिले भने हिड्डुल गर्न सक्ने भएका छन् । झिमरुक गाउँपालिका ७ तुषाराका चित्र बहादुर रोका बिगत २८ बर्ष देखि हिडडुल गर्न सक्ने थिएनन । जन्मिएको २ बर्षमा उनको शरिरको बायाँ भाग चल्न छाडेपछि बिस्तारै उनी ओछ्यानमा थला परेका थिए ।
प्युठानका गरिब तथा बिपन्न परिवारका धेरै बिरामीहरुको उपचार गर्दै आएका पोखरा स्वास्थ्य बिज्ञान प्रतिष्ठानमा कार्यरत डाक्टर राजेन्द्र पौडेलले अहिले चित्र बहादुरलाई निशुल्क रुपमा बाईसाईकल उपलब्ध गराएपछि हिड्न सक्ने भएका हुन । अहिले उनी ओन हेन्ड बाईसाईकलको सहायताले हिड्ने भएका हुन ।
त्यस्तै चित्रबहादुरलाई पोखरा जाने आउने गाडी भाडा र खाना बस्न समेत निशुल्क व्यवस्था मिलाएको डाक्टर पौडेलले बताए । अहिले घर बाहिर समथर ठाउँमा उक्त बाईसाईकलको सहायताले हिड्न सक्ने भएको छु भन्दै चित्रबहादुरले डाक्टर राजेन्द्र पौडेललाई धन्यवाद दिएका छन ।
