२०८० श्रावण २१प्यूठान–भालुवाङ्ग सडक–खण्ड अन्तर्गत पर्ने गर्जेनीमा फेरी पहिरो आएको छ । यसलेगर्दा बुधबार रातीदेखि रोकिएको सडक अझै सुचारु भएको छैन । प्रहरीका अनुसार आईतबार बिहान पनि चर्केको भाग पहिरो खसेको छ । पहिरो आउनेक्रम नरोकीएका कारण पहिरो हटाउन निकै समस्या भएको प्रमुख जिल्ला अधिकारी मदन कोइरालाले बताए । प्यूठान–भालुवाङ्ग सडक–खण्ड अवरुद्ध भएका कारण यो सडकमा यात्रागर्ने यात्रुले निकै दुःख पाइरहेका छन् । सडक सुचारु हुने कुराको यो समाचार तयार पार्दासम्म अझै टुंगो लागेको छैन ।
अवरुद्ध भएको सडक खुलाउने विषयमा पहल गरिरहेको प्रजिअ कोइरालले बताए । सडक खुलाउन ४ वटा मेसिन प्रयोग गरिएको प्रजिअले बताए । ‘पहिरो खस्न रोकिएको छैन,’उनले भने,‘त्यसैले खसेको पहिरो हटाउन समस्या भैरहेको छ ।’ कोइरालाले आईतबार बिहान पूनःपहिरो गएको स्थानमा पुगेर अवलोकन गरेर फर्केको बताए ।
जिल्ला प्रशासन कार्यालय र सडक डिभिजन कार्यालय प्यूठानले समयमै पहिरो हटाउन नसकिएपछि सूचना जारी गरेर यात्रुलाई बैकल्पिक सडक प्रयोग गर्ने आब्हान गरेका छन् । दाङ नेपालगञ्ज क्षेत्रको यात्रा गर्ने यात्रुहरुले देविस्थान तिराम मुकुर्टि हुँदै घोराहीको सडक प्रयोग गर्न थालेका छन । बुटवल कपिलबस्तु क्षेत्र पुग्ने यात्रु खलंगा अर्खाखाँची गरुसिंगे भएर जान थालेका छन् । काठमाडौंको रात्री बसलाई घोराहि भएर सञ्चान गरेको स्वर्गद्धारी यात्रायात व्यवसायी समिति प्यूठानले जनाएको छ ।
पहिरो हटाउने क्रममा शुक्रबार विहान पहिरो पन्छाईरहेको अवस्थामा पुनःठूलो पहिरो झरेपछि सडक खुलाउन समस्या भएको सडक डिभिजन कार्यालय प्यूठानले जनाएको छ । त्यसपछि पनि यहाँ पहिरो खन्न रोकिएको छैन् । पहिरो हटाईरहेको समयमा माथीबाट पहिरो खसेपछि समस्या भएको सडक डिभिजन कार्यालय प्यूठानका सवइन्जिनियर प्रकाश अधिकारीले जानकारी दिए । त्यहाँ अहिले ब्याक होल्ड लोडर, व्हिल लोडर, स्काभेटर गरि ४ वटा मेसिन लगाएर दुबै तर्फबाट पहिरो हटाउने काम भइरहेको अधिकारीले बताए । माथीको भाग चिरा परेको हुँदा पहिरो खस्न नरोकिएको अधिकारी बताउँछन् ।
