नेकपा (माओवादी केन्द्र) प्यूठानका संयोजक नमराज अधिकारीले पार्टीको ३ महिने विशेष रुपान्तरण अभियानले माओवादीलाई नयाँ जागरण सहित दिशानिर्देश गर्ने वताएका छन्।

आगामि १६ गते शनिवार प्यूठानका ६४ वटै वडामा माओवादीले ‘जनतासंग माओवादी, विशेष रुपान्तरण अभियान’को एकसाथ उद्घाटन गर्दैछ। विहिवार प्रेस सेन्टर नेपाल, प्यूठानको वैठकलाई सम्बोधन गर्दै अधिकारीले प्रत्येक वडामा आ-आफ्नै श्रृजनशिलतामा उद्घाटन हुनेगरि कार्यक्रम तय भएको वताए।

सरकारले शुसासनका निम्ति चालेको कदमवारे जनतामा पुगेर जनसमर्थन वृद्घी गर्ने र संगठन विस्तार गर्ने मुख्य लक्ष्यसहित सुरु गरेको यो अभियानमा ९० दिन हरेक माओवादी केन्द्रका नेताले आफ्नो घर छोडेर तोकिएको कार्यक्षेत्रमा पुग्नुपर्नेछ। त्यसका लागि केन्द्रीय नेतालाई अन्तरजिल्ला, प्रदेशका नेतालाई अन्तरपालिका, जिल्लाका तथा पालिकाका नेतालाई अन्तरवडा कार्यक्षेत्र तोकिएको उनले वताए।