ड्रिम हन्ड्रेटले प्यूठानमा शैक्षिक शत्र २०८०/०८१ मा ११ जना विद्यार्थीलाई निशुल्क रुपमा शिक्षा दिन थालेको छ ।

आर्थिक अभावकै कारण पढ्ने इच्छाशक्ति भए पनि एस.इर्.ई दिएर ११ र १२ पढ्नबाट बंचित हुन नपर्ने भन्दै विद्यार्थीहरुलाई पूर्ण छात्रबृत्ती प्रदान गरी निशुल्क पढ्ने वातावरणको व्यवस्था गरेको ड्रिम हन्ड्रेट प्युठानका प्रमुख संदेश सुवेदीले जानकारी दिए ।

प्रमुख सुवेदीका अनुसार विद्यार्थीले ड्रिम हन्ड्रेट छात्रबृत्ती प्राप्त गरेपश्चात आफुले इच्छाएको प्यूठान जिल्ला भित्र रहेका जुनसुकै विद्यालयमा पढ्न पाउने छन् ।
२०७८ सालदेखी छात्रबृति संचालन गर्दै आएको यस संस्थाले ३७ जना विद्यार्थीहरुलाई जिल्ला भित्रका बिभिन्न विद्यालयहरुमा निशुल्क रुपमा पढाउदै आईरहेको सुवेदीले बताए ।
संस्थाले ५ बर्ष भित्र एक सय विद्यार्थीहरुलाई निशुल्क रुपमा पढाउने लक्ष्य  लिएको छ । छात्रबृत्ती संगसंगै ड्रिम हन्ड्रेट ले जिल्ला स्तरिय हाजिरीजवाफ प्रतियोगिता, कविता लेखन प्रतियोगिता र मेंटर्शिप कार्यक्रम समेत नियमित रुपमा संचालन गर्दै आइरहेको छ । ड्रिम हन्ड्रेटको छात्रबृत्ती फाराम एस ई ई को परिक्षा पश्चात खुल्ने गर्दछ ।
समाज कल्याण परिषदमा दर्ता भई संचालनमा आएको उक्त संस्था गैर नाफामूलक सामाजिक संस्था भएको सुवेदिको भनाइ छ ।