सञ्चार तथा सूचना प्रविधि मन्त्री रेखा शर्माले सहकारी क्षेत्रका विकास, सहकारीमा देखिएका समस्याको समाधान लगायतका बिषयमा सरकारले सहजिकरण गर्ने प्रतिवद्धता जनाएकी छिन् । बिहिबार होटेल आयुष्मा नयाँ बजारमा भएको सहकारी क्षेत्रको प्रवद्धनमा स्थानीय तहको भूमिका बिषयक जिल्ला स्तरीय बृहत अन्तरक्रिया कार्यक्रममा बोल्दै मन्त्री शर्माले यस्तो बताएकी हुन् । मन्त्री शर्माले सहकारीले देशको अर्थतन्त्रमा सहयोग पु¥याएको भन्दै एउटा सहकारी नराम्रो हुँदा सबै सहकारीलाई त्यही दृष्ट्रिकोणले हेर्न नहुने बताइन् ।

सहकारीहरु उत्पादनमा भन्दा पनि ऋण लगानीमा बढि अग्रसर रहेको भन्दै त्यस्तो कार्यले मात्र सहकारीलाई टिकाइ राख्न नसक्ने शर्माको भनाई थियो । साथै सहकारी व्यवस्थापनको लागि कानुनमा कतै स्थानीय तह वा जिल्ला सहकारी चुकेको होकी भन्दै कानुनलाई हातमा लिन खोज्ने व्यक्तिलाई कानुनी उपचार गर्न समेत आग्रह गरेकी छिन् ।

जिल्ला सहकारी संघ प्यूठानका अध्यक्ष सुशील पोख्रेलको अध्यक्षतामा सुरु भएको कार्यक्रममा लुम्बिनी प्रदेश सांसद तुल्सीराम शर्माल, निमा गिरी, धना लक्ष्मी श्रेष्यठ, स्थानीय तहका प्रमुख उपप्रमुख, सहकारीमा आवद्ध कर्मचारी, पत्रकार लगायतको सहभागिता रहेको थियो ।

जिल्ला सहकारी संघ प्यूठानको आयोजनामा सुरु भएको कार्यक्रमको आर्थिक सहयोगमा प्यूठान स्थित स्थानीय तहहरुले गरेका हुन् ।