२०८० मंसिर १०नेपाल जेसुईट सामाजिक संथाले प्यूठानको दुर्गम बस्तिमा रहेको सामुदायिक विद्यालयमा ग्रामिण शैक्षिक शुधार कार्यक्रम अन्तरगत प्राबिधिक शैक्षिक सामाग्री जडान गर्न सुरु गरेको छ । आईतवार स्वर्गद्वारी नगरपालिकाकै दुर्गम बस्तिमा रहेको नेपाल राष्ट्रिय आधारभूत विद्यालय स्वर्गद्वारी नगरपालिका वडा नम्बर ५ खलधारामा एक कार्यक्रमका बिच संथाका निर्देशक फादर रोयले नगरप्रमुख टेक प्रसाद भन्डारीलाई सामाग्री हस्तान्तरण गरेका हुन् । संस्थाले टेलिभिजन, ट्यापलेट र इन्टरनेट उपलब्ध गराएको वडाध्यक्ष गिर बहादुर घर्ति मगरले जानकारी दिए ।
नगर प्रमुख टेक प्रसाद भन्डारीले अहिलेको टेक्नोलोजी अनुसार बालबालिकालाई प्रबिधि संग जोड्न शिक्षकहरुलाई प्राबिधिक शिक्षा सम्बन्धि तालिमको आवश्यक रहेको हुँदा संथाले सामाग्री जडान संगै तालिम दिनुपर्ने बताए ।
कक्षा नर्सरी देखि ८ सम्म संचालन भएको उक्त विद्यालयमा कक्षाकोठा प्रयाप्त नहुँदा विद्यार्थीलाई खुल्ला आकाशमा अध्यापन गराउन बाध्य भएको विद्यालयका प्रधानाध्यापक डेम प्रसाद उपाध्यक्षले जानकारी गराए। विद्यालयमा झन्डै १ सय २० जना बालबालिका अध्ययनरत छन् । सो विद्यालयमा हाल ८ जना शिक्षक छौ, ‘प्रधानाध्यापक उपाध्ययले भने, तर पनि नगरपालिका स्तरिय परीक्षामा नगरपालिकाकै प्रथम स्थान हासिल गर्न सफल भएका छौ । विद्यार्थीलाई निशुल्क अतिरिक्त कक्षा सन्चालन गरी पढाउछौ ।’
वडा अध्यक्ष गिरबहादुर घर्ती मगरले संस्थालाई धन्यवाद दिदै अभिभावकहरुलाई बिलासि सामाग्री र घर घडेरीमा लगानी नगरी प्रमुख सम्पति भनेकै बालबालिका रहेको बताउँदै अध्यक्ष घर्तिले आफ्ना छोराछोरीको पढाईमा लगानि गर्न आग्रह गरे । अहिलेको समय बालबच्चालाई राम्रो अवसरको लागि आफ्नो अभिभावकको महत्वपूर्ण हात रहेकाले त्यता ध्यानाकर्षण गराएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
