सहकारी संघ/संस्थाका पदाधिकारीहरुका लागि १५ दिने नेतृत्व तथा संस्थागत विकास तालिम बुधबारदेखि सुरु भएको छ ।

सहकारी प्रशिक्षण तथा अनुसन्धान केन्द्र बानेश्वरको आयोजनामा सुरु भएको तालिमको सहकारी विभागका रजिष्टार पिताम्बर घिमिरेले पानसमा दिप प्रज्वलन गरी उद्घाटन गरेका हुन। सहकारी प्रशिक्षण तथा अनुसन्धान केन्द्रका प्राचार्य विष्णु प्रसाद पौडेलको अध्यक्षतामा सुरु भएको तालिमको उद्घाटन समारोहमा बोल्दै सहकारी विभागका रजिष्टार पिताम्बर घिमिरेले पछिल्लो समय सहकारीप्रति शहरी क्षेत्रमा नकारात्मक धारण पैदा भएको भन्दै यो तालिमले सहकारीलाई व्यवस्थित र मर्यादित तरिकाले सञ्चालन गर्न सहयोग पुग्ने बताए।

देशभरीबाट ५० जना सहकारीकर्मीहरुको सहभागिता रहेको तालिम माघ १९ गते सम्म चल्ने आयोजकले बताएको छ ।