News Portal

रेडियो सुन्नुहोस्

सहिदहरुको काम कर्तव्यलाई सधै सम्झिनु पर्छ : सांसद थापा

बिबश जि.एम२०८० माघ १६
१७४ पटक
२०८० माघ १६

सहिदहरुलाई सम्झिने कुरा सहिद दिवसमा मात्र निर्भर रहन नहुने प्रतिनिधि सभा सदस्य सुर्य थापाले बताएका छन् । सहिद दिवसको अवसरमा सहिद स्मृति पार्क निर्माण व्यवस्थापन समिति प्यूठान नगरपालिका ४ र ७ ले मंगलबार सयुक्त रुपमा आयोजना गरेको कार्यक्रममा बोल्दै सांसद थापाले बर्षमा एकपटक फूलमाला लगाएर मात्र सम्मान गरेर सहिदहरुको सपना पुरा गर्न नसक्ने बताएका हुन् । सांसाद थापाले भुपि शेर्चनको कविता “हुँदैन बिहान मिर्मिरमा तारा झरेर नगए, बन्दैन मुलुक दुईचार सपुत मरेर नगए” लाई सम्झिदै उहाँ ४ सहिदहरु कुनै पनि पार्टीको नभई सिंगो मुलुकको भएको बताए । सहिदका काम कर्तव्य हाम्रो जीवनमा, कार्यप्रर्णालीमा, व्यवहारमा र समाजका अकांक्षाहरुमा सम्झिन आवश्यक रहेको उनको भनाई थियो । साथै सांसद थापाले प्यूठानमा विभिन्न समयमा जीवन आहुती दिएका सहिदहरुलाई पार्क भित्र समेट्न नसकेमा यो पार्क राणाकाल विरोधी सहिदहरुको पार्कमा मात्र सिमित हुने बताउँदै विभिन्न रुपमा देशको लागि जीवन बलिदान गरेका व्यक्तिहरुलाई पनि समेट्न पार्क व्यवस्थापन समितिलाई सुझाब दिए ।

सहिदहरुले दिएको भूमिका अतुलनीय भएको बताउँदै लुम्बिनी प्रदेशका उद्योग तथा यातायात मन्त्री सरोज थापा (रोज राणा) ले सहिदहरुले देखाएको बाटोलाई हामीले मनन गरेर हरेक काममा सधै अगाडी बढ्ने बताए ।

सहिद स्मृति पार्क निर्माण व्यवस्थापन समितिका अध्यक्ष ज्ञामुराम न्यौपानेको अध्यक्षमा सञ्चालन भएको कार्यक्रमको सञ्चालन पार्क निर्माण व्यवस्थापन समितिका सचिव झबेन्द्र शर्माले गरेका थिए ।

कार्यक्रममा लुम्बिनी प्रदेशका माननीय सांसद निमा गिरी, धना लक्ष्मी श्रेष्ठ, जिल्ला समन्वय समितिका प्रमुख धरम बहादुर जि.सी, स्थानीय तहका प्रमुख तथा प्रतिनिधि, निर्माण व्यवसायी संघ प्यूठानका प्रमुख नविन श्रेष्ठ, एमाले प्यूठानका अध्यक्ष विजयविराज बिष्ट, राष्ट्रिय स्वतन्त्र पार्टी प्यूठानका प्रतिनिधि ओमहरी भट्टराई, सञ्चारकर्मी लगायतको सहभागिता रहेको थियो ।

प्रतिकृया दिनुहोस्

आजको राशिफल : २०८१ श्रावण ०७ सोमवार

मेष आज नयाँ कार्यको थालनी होला । साथी भाइको भेटघाटले मन प्रफुल्ल रहला । आफ्नो...

प्रधानमन्त्रिको विश्वासको मतको प्रस्तावको पक्षमा १८८ र विपक्षमा ७४ मत

प्रधानमन्त्रि केपि शर्मा ओलिले विश्वासको मत पाएका छन्। मतको विभाजन यस्तो छ: जम्मा मत –...

प्युठान प्रहरीद्वारा वार्षिक प्रगति सार्वजनिक

जिल्ला प्रहरी कार्यालय प्युठानले पत्रकार सम्मेलनमार्फत वार्षिक प्रगति सार्वजनिक गरेको छ । जिल्ला प्रहरी कार्यालयको...

लुम्बिनीका मुख्यमन्त्रीले दिए राजीनामा, सरकारमा दाबी गर्ने एमालेको तयारी

लुम्बिनी प्रदेशका मुख्यमन्त्री जोखबहादुर महराले आफ्नो पदबाट राजीनामा दिएका छन् । उनको राजीनामा पछि मुख्यमन्त्रीमा...

अधिकारीद्वारा आफ्ना गुरु श्रेष्ठलाई सम्मान

माण्डवी गाउँपालिकाका अध्यक्ष नमराज अधिकारी रोषनले आफ्ना गुरु कृष्णगोपाल श्रेष्ठलाई सम्मान गरेका छन् । गुरु...