दाङमा भएको सवारी दुर्घटनामा परि प्यूठानका एकै घरका दुई दिदीबहिनीको मृत्यु भएको छ । बुधबार दिउँसो ४ः३० बजे दाङको राप्ती गाउँपालिक ८ पिपरीमा स्कारपियोले साईकललाई ठक्कर दिदा गम्भिर घाइते भएकी दिदीबहिनीको उपचारका क्रममा मृत्यु भएको जिल्ला प्रहरी कार्यालय दाङका डिएसपी जनक बहादुर मल्लले जानकारी दिए । डिएसपी मल्लका अनुसार स्कारपियोले साइकललाई ठक्कर दिदा साइकल चालक प्यूठान झिमरुक गाउँपालिका–१ घर भई हाल राप्ती गाउँपालिका– ८ निवासी ३५ बर्षिया राधा बस्नेतको घटना स्थलमा र साइकलको पछाडि बसेकी उनकी बहिनी १६ बर्षिया विपना केसीको क्रिम्सन अस्पताल मणिग्राम रुपन्देहीमा उपचारको क्रममा मृत्यु भएको हो ।

मृतकको शव लमही अस्पतालको शव गृहमा राखिएको जिल्ला प्रहरी कार्यालय दाङले जनाएको छ । आफन्त आएपछि शवको पोष्टमार्टम विहिबार विहान गरिने डिएसपी मल्लको भनाई छ ।