२०८० फागुन ७प्रजातन्त्र दिवस प्यूठानमा पनि विभिन्न कार्यक्रम गरि मनाईएको छ । जिल्ला प्रशासन कार्यालय प्यूठानको आयोजनामा महेन्द्र मा।वि खलंगाबाट सुरु भएको प्रभात फेरी जिल्ला प्रशासन कार्यालय, कबडहल हुँदै जिल्ला समन्वय समितिमा औपचारिक कार्यक्रम भएको जिल्ला प्रशासन कार्यालय प्यूठानले जनाएको छ । कार्यक्रममा उल्लेख्य सहभागिता भएको प्रमुख जिल्ला अधिकारी नारायण प्रसाद अर्यालले जानकारी दिए ।
प्रमुख जिल्ला अधिकारी अर्यालका अनुसार भोलि मंगलबार विहान प्यूठान क्याम्पस खलंगामा अध्ययन गर्ने विद्यार्थीहरुको लागि स्वास्थ्य सचेतना कार्यक्रम, शहिद स्मृति पार्क गाजुरीमा बृक्षारोपण र खैरा विद्यालयमा रहेका अपागंता भएका विद्यार्थीहरुका लागि शैक्षिक तथा खेलकुद सामाग्री हस्तान्तरण गर्ने कार्यक्रम रहेको छ ।
सोही कार्यक्रममा स्वास्थ्य कार्यालय प्यूठानले सहभागि र सर्बसाधारणहरुको ब्लड प्रेसर सुगर जाँच गर्ने कार्यक्रम गरेको थियो । प्रमुख जिल्ला अधिकारी नारायण प्रसाद अर्यालको अध्यक्षतामा कार्यक्रम सञ्चालन भएको भएको थियो ।
कार्यक्रममा जिल्ला समन्वय समिति प्यूठानका प्रमुख धरम बहादुर जि.सी, मल्लरानी गाउँपालिकाका अध्यक्ष कृष्ण बहादुर खड्का, प्यूठान उद्योग बाणिज्य संघका अध्यक्ष पशुपति नारायण नकर्मी, प्यूठान क्याम्पसका प्रमुख कल्पना खड्का, महेन्द्र मा.वि खलंगाका प्रधानाध्यापक पिताम्बर पौडेल, पत्रकार महासंघ जिल्ला शाखा प्यूठानका अध्यक्ष सञ्जय रिजाल लगायतले शुभकामना मन्तव्य राखेका थिए ।
फोटो : जिल्ला प्रशासन कार्यालय प्यूठान
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
