२०८० फागुन २४झिमरुक गाउँपालिका ६ अर्गेलीका २५ बर्षिय प्रदिप ढकालको गत साल भदौ महिनामा बसवाट लडेर वाँया खुट्टाको साप्रो भाचियो । स्वर्गद्धारी गौमुखी यातायात सेवा प्रा.ली द्धारा सन्चालित रात्री बसमा प्रदिपले काम गर्थे । यात्राकै क्रममा प्यूठान भिङग्री स्थित गाडिवाट लडेर उनको खुट्टा भाचिएको स्वर्गद्धारी गौमुखी यातायात सेवा प्रा.ली का प्रवन्धक चन्द्रमान श्रेष्ठले बताए । घरको आर्थिक अवस्था समेत कमजोर भएका प्रदिपको वुटवल स्थित मर्सिसीटि अस्पतालमा खुट्टाको शल्यक्रिया गरिएको थियो ।
नेपाल सरकार विमा समितीले प्रदिपको उपचारको लागी नियम अनुसार ३ लाख उपलब्ध गराउने प्रवन्धक श्रेष्ठले बताए । तर सुरुको चरणमै उपचारमा ३ लाख भन्दा बढि नै खर्च भएको श्रेष्ठको भनाई छ । मर्सिसीटि अस्पतालमा प्रदिपको शल्यक्रिया पश्चात पुन १७ महिना पछि रड निकाल्न आउन आह्वान गरिएको थियो । साथै रड निकाल्दा ६० हजार खर्च लाग्ने अस्पतालले जनाएको थियो ।
अन्तत प्रदिपको खुट्टाको रड प्यूठान अस्पतालमा निशुल्क निकालिएको छ । समितिका प्रबन्धक चन्द्रमान श्रेष्ठले प्रदिपको खुट्टाको रड प्यूठान मै निकाल्नको लागि प्यूठान अस्पतालका हाडजोर्नी तथा नसा रोग विशेषज्ञ डा. राजेन्द्र पौडेललाई आग्रह गरे । सोही कुरा डा. पौडेलले अस्वीकार गरेनन् तर प्रयाप्त सामाग्रीहरु अस्पतालमा उपलब्ध नहुँदा बुटवलबाट सामान मगाएर बुधबार प्रदिपको खुट्टाको रड सफलतापुर्वक निकालिएको डा. पौडेलले जानकारी दिए । जटिल प्रकारको शल्यक्रियाद्धारा राखिएको रड प्यूठान अस्पतालबाट नै सहज रुपमा निकाल्न पाउँदा स्वयम विरामी प्रदिप ढकालले खुसी व्यक्त गरेका छन् ।
त्यस्तै समितिका प्रबन्धक चन्द्रमान श्रेष्ठले भने, “बाकी उपचारमा लाग्ने ६० हजार खर्च समिति वा स्वयम विरामी परिवारले व्यहोर्नु पर्ने थियो” तर प्यूठान अस्पतालबाट निशुल्क रुपमा उपचार गराएपछि खर्च जोगियो ।” एउटा गरिब बिरामीको उपचारमा महत्वपुर्ण सहयोग गर्ने डा. पौडेल र अस्पताल परिवारलाई श्रेष्ठले धन्यवाद दिएका छन् । साथै बुटवलबाट लुम्बिनी सिटी अस्पतालका सञ्चालक बसन्त जि.सीले प्रदिपको रड निकाल्न सामाग्री उपलब्ध गराएको भन्दै यातायात सेवा प्रा.लि मार्फत धन्यवाद व्यक्त गरेका छन् । आगामी दिनमा यी र यस्ता सामाग्रीहरु प्यूठानमै उपलब्ध गराउन सके विरामी र गरिब जनतालाई फाईदा पुग्ने श्रेष्ठले बताए ।
