मल्लरानी गाउपालिका ३ मुन्डाँडा खसिनिखर्क निबासी ३८ वर्षिय श्याम बि.क बिगत लामो समयदेखि बिरामी परि बिस्तारामै थलिएका छन् । शरीरमा विभिन्न समस्या देखिएपछि गत भदौ ११ गते श्यामलाई उनका परिवारले प्यूठान अस्पतालमा लगेका थिए । अस्पतालमा उनलाई जाँच गरि हेर्दा मधुमेह (सुगर) अत्यधिक वृद्धि भएको र थप अरु समस्या पनि देखियो । गरिब भएकै कारण औषधि उपचार गर्न सकस भएपछी उनलाई केही औषधि किनेर घरमा ल्याईयो ।

श्रीमानको अबस्था नाजुक हुँदै गएपछी श्रीमती रुप्सी बि.क परिवार खर्च जुटाउन भारत लागिन् । भारतको कमाईले पनि उनको परिवार चलाउन र श्रीमानको औषधि खर्च जुटाउन गाह्रो भयो । पैसा कमाउन हिडेकी श्रीमती अहिले पुन नेपाल फर्केर आएकी छिन् र श्रीमानको स्याहरमा ब्यस्त छिन् । मल्लरानी गाउपालिका ३ बर्बोटमा जन्मिएका प्यूठान अस्पतालका हाड जोर्नी तथा नसारोग विशेषज्ञ डाक्टर राजेन्द्र पौडेल बिहिबार कार्यालय समय सक्काएर आफ्नै गाउँका बिरामी श्याम बि.कको अवस्था बुझ्न बिरामिको गरमै पुगेका हुन् ।

डाक्टर पौडेलले बिरामीका पुराना पुर्जिहरु हेर्दै अहिलेको अवस्थाबारे बुझे । बिरामी श्यामको प्रेसर अबस्था सामान्य भएतापनि सुगरले शरीरका विभिन्न भागहरुमा असर गरेको उनले बताए । श्यामको एकपटक सुगरको जाँच गरेर हेरि थप उपचार गर्न प्यूठान अस्पतालमा लैजाने र निशुल्क उपचार गर्न आफुले सहयोग गर्ने बताए । पोखरामा रहदा पनि प्यूठानका धेरै दुखी गरिब बिरामीको उपचारमा सहयोग गरेका डाक्टर पौडेलले अहिले प्यूठान अस्पतालबाटै धेरै बिरामीहरुलाई उपचार गर्दै आएका छन् ।