जिल्ला शिक्षा विकास तथा समन्वय इकाई प्यूठानले ८४ जना शिक्षकहरुलाई नियुक्ति दिई पालिकामा सिफारिस गरेको छ । शुक्रबार जिल्ला समन्वय समितिको सभाहलमा एक कार्यक्रमको आयोजना गरि नियुक्ति पत्र दिएर जिल्लाका सबै स्थानीय तहमा सिफारिस गरिएको शिक्षा विकास तथा समन्वय इकाई प्यूठानका प्रमुख दुर्गा बहादुर खड्काले जानकारी दिए । उनका अनुसार ८५ जना मध्ये १ जना अनुपस्थित भएपछि ८४ जनालाई नै योग्यता क्रमको आधारमा सिफारिस गरिएको छ । अनुपस्थित १ जनालाई पनि नियुक्ति दिएर ऐरावती गाउँपालिकामा सिफारिस गरिने शिक्षा इकाई प्रमुख खड्काको भनाई छ ।

जिल्ला समन्वय समिति प्यूठानका प्रमुख धरम बहादुर जि.सी को अध्यक्षतामा सुरु भएको कार्यक्रममा प्रमुख जिल्ला अधिकारी नारायण प्रसाद अर्याल, पेशागत शिक्षक संगठनका प्रतिनिधि, शिक्षक महासंघका प्रतिनिधि लगायतको सहभागिता रहेको थियो ।