News Portal

रेडियो सुन्नुहोस्

२०८२ मा उज्यालो प्यूठान घोषणा हुने

बिबश जि.एम२०८१ बैशाख १
७७९ पटक
२०८१ बैशाख १

२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ । केन्द्रका अनुसार आर्थिक बर्ष २०८१/०८२ मा पूर्ण विद्युतिकरण गर्ने लक्ष्यका साथ काम भईरहेको छ । त्यसको लागि वितरण केन्द्रले ६ करोड बजेट माग समेत गरेको छ । जिल्लाका ९ स्थानीय तह मध्ये नौबहिनी र गौमुखी गाउँपालिकाको केही स्थानमा विद्युत लाइन विस्तार गरे जिल्लाको सबै ठाउँमा विद्युत पुग्ने प्यूठान वितरण केन्द्रका कार्यालय प्रमुख महेन्द्र कुमार दासले बताए । उनका अनुसार हालसम्म ९७ प्रतिशत घरधुरीमा विद्युत पुगिसकेको छ ।

‘‘केही ठाउँमा विद्युत पुग्न बाकी छ,” कार्यालय प्रमुख दासले भने, ‘‘नौबहिनी र गौमुखीका केही वडामा विद्युत पुगेपछि जिल्ला पूर्ण विद्युतिकरण हुन्छ ।” कार्यालयका अनुसार नौबहिनीको १ नं वडा स्याउलिबाङ सबै, ३ नं खवाङमा ४० घरधुरी र गौमुखी गाउँपालिकाको ३ रजवारामा विद्युतिकरण भएपछि उज्यालो प्यूठान घोषणा हुनेछ ।

आवश्यक सामानहरु केन्द्रबाट नै आउने भएकाले विद्युत प्राधिकरणमा सिमित मात्रामा बजेट आउने गरेको प्रमुख दासको भनाई छ । आर्थिक बर्ष २०७९/०८० र २०८०/०८१ मा विद्युत प्राधिकरण प्यूठान वितरण केन्द्रका लागि १÷१ करोड बजेट विनियोजन भएको थियो । ८ बर्षसम्म अलपत्र अवस्थामा रहेको प्यूठानको दम्ती सवस्टेशनको काम धेरै कारणले गर्दा रोकिएको कार्यालय प्रमुख दासले बताए ।

आर्थिक बर्ष २०७१/०७२ सालमा सवस्टेशनको काम सुरु भएको तर सो समयमा नाङ्गो तार भएकाले पनि त्यस तारलाई स्थानीयले विस्तार गर्न नदिएपछि काम रोकिएको कार्यालयको भनाई छ । सवस्टेशनको अवस्थाको बारेमा परिक्षण गरिरहेको कार्यालय प्रमुख दासले बताए । दम्ती सवस्टेशन सञ्चालनमा नआउँदा विद्युत आउने जाने समस्या भईरहेको छ ।

दम्ती सवस्टेशनको कामलाई अगाडी बढाउन ५ करोडमा आरके इन्टरनेशन नेपाल काठमाडौँले जिम्मा पाएको थियो । २०७५ भदौ सम्ममा काम सक्ने गरी ठेक्का लिएको कम्पनीले समयमा काम गर्न नसक्ने भएपछि २०७७ वैशाख मसान्तसम्म म्याद थप गरेको थियो । तर अहिलेसम्म पनि त्यो काम सञ्चालन हुन सकेको छैन् ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

प्यूठानको जनजीवन सामान्य बन्दै

जेन–जी आन्दोलनका कारणअस्तव्यस्त बनेको प्यूठानको जनजीवन सामान्य बन्दै गएको छ । जिल्लाका मुख्य – मुख्य...

जेन–जी समुह प्यूठानद्धारा सम्पत्ति छानबिन गर्न माग

जेन–जी समुह प्यूठानले निर्वाचित जनप्रतिनिधि, ठेकेदार,कर्मचारीहरुको सम्पति छानबिन गर्न माग गरेको छ । समुहले आईतबार...

प्यूठानमा निषेधाज्ञा जारी, कर्फ्यु हटाईयो

प्यूठानमा निषेधाज्ञा जारी रहेपनि कर्फ्यु हटाईएको छ । निषेधाज्ञामा सामान्य हिडडुल गर्न सकिने भएपनि ५...

विजुवारबाट २ जना युवा पक्राउ

सडकमा ड्युटी बसेका प्रहरीलाई गाली गर्दै हिड्ने २ जना युवा पक्राउ परेका छन । वुधवार...

प्रधानमन्त्री ओलीले दिए राजिनामा

प्रधानमन्त्रि केपी शर्मा ओलीले राजिनामा दिएका छन् । काठमाण्डौमा भएको जेन–जि को आन्दोलनमा प्रहरीको गोलि...