News Portal

रेडियो सुन्नुहोस्

दाङमा बिहेको जिप दुर्घटना, बेहुलाका वावुआमा सहित ६ जनाको मृत्यु

सिखबर संवाददाता२७ मंसिर,दाङ ।
१२३२ पटक
२७ मंसिर,दाङ ।

दाङको लमही नगरपालिका वडा नम्बर ९ रिहार नजिक जन्ती चढेको स्कारपियो(जिप) र यात्रु बस आपसमा ठोक्किँदा ६ जनाको मृत्यु भएको छ। दुर्घटनामा बेहुलाका आमा(बुवासहित ६ जनाको मृत्यु भएको छ भने अन्य दुई जना घाइते भएका छन् ।

चितवनको गितानगरबाट बेहुली लिएर बाँकेको शमसेरगञ्ज जाँदै गरेको बा १२ च ३१२२ नम्बरको स्कारपियो जीप र महेन्द्रनगरबाट काठमाडौंतर्फ जाँदै गरेको ना ५ ख ४०९० नम्बरको बस आज बिहान २ बजेतिर आपसमा ठोक्किएका हुन् ।

दुर्घटनामा मृत्यु हुनेहरुमा राप्ती सोनारी गाउँपालिका वडा नम्बर ८ निवासी ४५ वर्षीया विमला खत्री, ५ वर्षीय प्रविण केसी, ५३ वर्षीय मानबहादुर केसी, ४९ वर्षीय विश्वनाथ अधिकारी, ३१ वर्षीय दीपककुमार खड्का र बाँकेको कोहलपुर नगरपालिका १२ निवासी ७८ वर्षीय दत्तबहादुर खत्री रहेको इलाका प्रहरी कार्यालय अमिलियाले जानकारी दिएको छ ।

मानबहादुर के.सी. र विमला खत्री बेहुलाका आमा र बुवा हुन् ।

दुर्घटनामा बेहुलाकै आफन्त ४५ वर्षीया गितादेवी खत्री र जिपका चालक २१ वर्षीय यमबहादुर मगर घाइते भएका छन् । उनीहरुलाई उपचारका लागि बाँकेको कोहलपुर पठाइएको प्रहरीले जनाएको छ ।

बेहुला र बेहुली भने अर्को गाडीमा सवार थिए थिए । बुवा(आमा र आफन्त चढेको जीप भने विपरित दिशाबाट आइरहेको बससँग ठोक्किएको हो । जिपसंग ठोक्किएको बसका यात्रुहरु भने सकुशल छन् ।

प्रतिकृया दिनुहोस्

सहिद पार्कमा भौतिक संरचना थपिदै

प्यूठान गनरपालिका ७ गाजुरीमा रहेको सहिद स्मृति पार्कको निर्माण कार्य भइरहेको छ । थप व्यवस्थित...

प्यूठानमा २२ हजार ८ सय २४ जना बालबालिकालाई दादुरा–रुवेला खोप लगाईदै

प्यूठानमा २२ हजार ८ सय २४ जना बालबालिकालाई दादुरा–रुवेला खोप लगाईदैछ । स्वास्थ्य कार्यालय प्यूठानले...

प्रजातन्त्र दिवस प्यूठानमा पनि विभिन्न कार्यक्रम गरि मनाईयो

प्रजातन्त्र दिवस प्यूठानमा पनि विभिन्न कार्यक्रम गरि मनाईएको छ । जिल्ला प्रशासन कार्यालय प्यूठानको आयोजनामा...

मुक्ति मा.विको ७२ औं वार्षिक उत्सव तथा अभिभावक भेला सम्पन्न

मुक्ति माध्यामिक विद्यालय रातामाटाको ७२ औं वार्षिक उत्सव तथा अभिभावक भेला सम्पन्न भएको छ ।...

घुमन्ते व्यापारीहरुलाई निरुत्साहित गर्न प्यूठान उद्योग वाणिज्य संघको होडिङ्ग वोर्ड

प्यूठान जिल्लामा अनाधिकृत रुपमा रहेका घुमन्ते व्यापारीहरुलाई निरुत्साहित गर्नको लागि प्यूठान उद्योग वाणिज्य संघले होडिङ्ग...