माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ ।

संयुक्त राष्ट संघमार्फत विश्व समुदायले अवलम्वन गरेको दिगो विकास लक्ष्यहरु हासिल गर्न स्थानीय तहवाटै दिगो विकास लक्ष्यहरुको कार्यन्वयन गर्न आवश्यक रहेकाले चालु आर्थिक वर्षमा जनप्रतिनिधी र कर्मचारीको त्यससम्वन्धीे क्षेमता विकासका लागि कार्यक्रम सुरु गरिएको गाउँपालिका अध्यक्ष नमराज अधिकारी ‘रोषन’ ले वताए ।

‘दिगो विकासका लागि सवै पक्षहरुले हातेमालो गरेर अगाडि वढ्न आवश्यक छ ।’ दिगो विकासको स्थानीयकरणसम्वन्धि अभिमुखिकरण कार्यक्रममा वोल्दै अध्यक्ष अधिकारीले भने– ‘त्यसका लागि स्वार्थका सर्तहरु त्यागेर शाझा लक्ष्यका लागि सवै पक्ष गोलवन्द हुनु पर्दछ ।’

जनप्रतिनिधी र कर्मचारीहरुलाई दिगो विकास लक्ष्यवारे अभिमुखिकरण तथा क्षेमता विकासका लागि गाउँपालिकाले २ दिने दिगो विकास लक्ष्यहरुको स्थानीयकरण सम्बन्धी अभिमुखिकरण तथा क्षेमता विकास कार्यक्रम सम्पन्न गरेको माण्डवी गाउँपालिकाका प्रमुख प्रशासकीय अधिकृत प्रकाश पाण्डेले जानकारी दिए ।

बुधवार र विहिवार सञ्चालित अभिमुखिकरण तथा क्षेमता विकास कार्यक्रममा गाउँपालिकाका जनप्रतिनिधी र कर्मचारीहरुको सहभागिता रहेको थियो । योजना तर्जुमा, मध्यकालिन खर्च संरचना र दिगो विकासका लक्ष्यहरु सहित यसको स्थानीयकरणको अवधारणावारे जानकारी दिनुका साथै स्थानीयकरणका विविध सवालहरुमा कार्यक्रममा छलफल भएको थियो ।

माण्डवी गाउँपालिकाको आयोजनामा भएको कार्यक्रमको सहजिकरण सरोकार सञ्चार तथा मानव संसाधन विकास केन्द्रले गरेको थियो ।