हिमालयन लघुवित्त वित्तीय संस्था लिमिटेड शाखा कार्यालय कपिलवस्तु शिवपुर ले शिवराज नगरपालिका वडा नं १ मा रहेको जगत्रदेवी मन्दिरमा ४० हजार बराबरको सहयोग गरेको छ ।

संस्थाले आफ्नो १२ औँ बार्षिक उत्सवको अवसरमा शुक्रबार एक कार्यक्रमका बीच मन्दिरमा भौतिक सामाग्री वितरण गरेको हो ।
१३ वर्षमा प्रवेश गरेको संस्थाको सुखद उपलक्ष्यमा सामाजिक उतरदायित्व अन्तर्गत मन्दिरमा भौतिक सामाग्री वितरण गरेको संस्थाका क्लष्टर प्रमुख कृष्ण बहादुर अधिकारीले जानकारी दिए ।
कार्यक्रमका प्रमुख अतिथी शिवराज नगरपालिका वडा नं १ का वडा अध्यक्ष खिम बिक्रम केसीले वित्तीय संस्था नाफा मुलक नभई सेवा मुलुक रहेको बताएका छन् । बिभिन्न उत्पादनमुखि तालिम, वित्तीय साक्षरता लगायत सदस्य मैत्री तालिम कार्यक्रम समेत गरी सदस्यको जिवनस्तर उकास्न महत्त्वपूर्ण योगदान गरेको प्रमुख अतिथी केसीले बताए । उनले मन्दिरमा लक्षित गरि भौतिक सामाग्री वितरण गर्दैै सहयोग गरेकोमा धन्यावाद व्यक्त गर्दै आगामि दिनमा पनि निरन्तर सहयोगको अपेक्षा गरेको बताए।
लघुवित्तले सामाजिक उत्तर दायित्व कोष अन्तर्गत शिक्षा, स्वास्थ्य तथा कृषि लगायतका क्षेत्रमा सहयोग गर्दै आएको बताउदै कार्यक्रमका अध्यक्ष एवम संस्थाका क्लष्टर प्रमुख कृष्णबहादुर अधिकारीले संस्थाका सदस्यहरू संग आर्थिक कारोबार मात्रै नभई सदस्यको क्षमता अभिवृद्धि, सिप विकास र आयआर्जनका लागि संस्थाले विभिन्न कार्यक्रमहरू सञ्चालन गर्दै आएको बताए । उनका अनुसार संस्थाले विगत देखिनै सहयोग गर्दै आएको र यस्ता कार्यहरू निरन्तर रूपमा सञ्चालन गर्दै जाने प्रतिबद्धता समेत व्यक्त गरेका छन ।
संस्थाका सम्पुर्ण कर्मचारी ,सदस्यहरु र स्थानियहरु लगायतको उपस्थिति रहेको कार्यक्रमको संचालन शाखा कार्यालय शिवपुरका शाखा प्रमुख पदम खड्काले गरेका थिए ।