माण्डवी गाउँपालिकाका अध्यक्ष नमराज अधिकारी रोषनले आफ्ना गुरु कृष्णगोपाल श्रेष्ठलाई सम्मान गरेका छन् ।

गुरु पूर्णिमाको अवसर पारेर अधिकारीले कक्षा १० सम्म पढाएका श्रेष्ठलाई दोसल्ला र फलफूल सहित सम्मान गरेका हुन् ।

सम्मानको क्रममा प्युठान नगरपालिकाका पुर्वमेयर अर्जुन कुमार कक्षपतिले श्रेष्ठको शैक्षिक क्षेत्रमा राम्रो योगदान रहेको बताए ।

८५ वर्षीय कृष्णगोपाल श्रेष्ठले ३७ वर्ष शिक्षण पेसामा बिताएका थिए ।

जसमध्ये सबैभन्दा लामो समय २१ वर्षसम्म गणेश मा.वि. तिराममा शिक्षण गरेका थिए।पालिका अध्यक्ष अधिकारीले पनि सोही विद्यालयमा पढेका थिए ।

मल्लरानी गाउँपालिका ४ सदरमुकाम स्थित घरमै आराम गरेर स्वास्थ्य लाभ गरिरहेका श्रेष्ठको निवासमै पुगेर अधिकारीले सम्मान गरेका हुन् ।